Złoŭžyvańnie antybijotykami pryvodzić da taho, što chvaroby robiacca praktyčna nievylečnymi, ličyć Suśvietnaja arhanizacyja achovy zdaroŭja.
U Biełarusi nieabchodna naładzić efiektyŭnuju sistemu kantrolu za ŭžyvańniem antybakteryjalnych preparataŭ. Pra heta zajaviŭ na
Pavodle jaho słovaŭ, dla našaj krainy ŭsio bolš aktualnaj robicca prablema lekavaj ustojlivaści uzbudžalnikaŭ mnohich chvarobaŭ. Uźnikaje jana praz toje, što antybijotyki ŭžyvajucca ŭ zavialikaj kolkaści, tady, kali jany nie patrebnyja ci z parušeńniem schiemy lačeńnia.
U vyniku bakteryi, hrybki, virusy ci parazity «navučajucca» suisnavać ź lekami i robiacca praktyčna nieadčuvalnymi dla standartnych schiemaŭ lačeńnia.
Vyklikanyja imi chvaroby ciahnucca vielmi doŭha, lečacca ź vialikaj ciažkaściu i vielmi časta pryvodziać da śmierci pacyjenta. Tak, navat zvyčajnaja lohačnaja infiekcyja moža stać pryčynaj śmierci dziciaci abo staroha, kali jaje ŭzbudžalnik raniej užo «paznajomiŭsia» z antybijotykami.
Usio bolš ciažkimi i niebiaśpiečnymi robiacca ŭnutrybalničnyja infiekcyi. U krainach Jeŭrasajuza z hetaj pryčyny štohod pamiraje kala 25 tysiač čałaviek.
Pa Biełarusi, dzie taki manitorynh nie viadziecca, statystyčnych dadzienych pra takija vypadki niama. Adnak pradstaŭnik SAAZ ličyć, što havorka idzie pra nie mienš surjoznyja ličby.
Pavodle jaho słovaŭ, dla taho, kab prieaduchilić dalejšaje paharšeńnie situacyi, nieabchodna raspracavać nacyjanalny płan dziejańniaŭ pa baraćbie z ustojlivaściu da supraćmikrobnych preparataŭ.
Adnoj ź jaho hałoŭnych zadač źjaŭlajecca ŭviadzieńnie žorstkaha kantrolu nad spažyvańniem antybijotykaŭ nasielnictvam. Praktyka ES pakazała, što ŭ krainach, dzie antybijotyki pradajucca stroha pa recepcie, ustojlivaść da ich raźvivajecca nie takimi chutkimi tempami, jak u miescach, dzie ich moža volna nabyć luby čałaviek.
Na dumku SAAZ, nieabchodna taksama pavysić adkaznaść miedykaŭ u pytańni vykarystańnia antybijotykaŭ.Pa słovach Zajcava, mnohija ź ich pryznačajuć supraćbakteryjalnyja preparaty «pa zvyčcy» i «na ŭsiaki vypadak», nie razabraŭšysia tołkam u pryrodzie infiekcyi.
Pryznačanyja preparaty treba prymać pa stroha vyznačanaj schiemie i abaviazkova davodzić lačeńnie da kanca.
Vializnaj zadačaj pry vyrašeńni prablemy ŭstojlivaści preparataŭ źjaŭlajecca rehulavańnie vykarystańnia antybijotykaŭ u ahracharčovaj pramysłovaści: u žyviołahadoŭli, ptuškahadoŭli i śvinahadoŭli. U hetych śfierach preparaty niaredka vykarystoŭvajucca nie tolki dla lačeńnia chvorych žyvioł, ale i dla prafiłaktyki i stymulavańnia rostu. Pavodle niekatorych acenak, pa vazie ŭ arhanizm žyvioł i ryb uvodzicca prynamsi ŭ tysiaču razoŭ bolš antybijotykaŭ u absalutnym vyražeńni, čym vykarystoŭvajecca ludźmi.
U krainach ES vykarystańnie antybijotykaŭ u charčovaj pramysłovaści zabaroniena. Heta nieabchodna zrabić i Biełarusi.
