U Minsku zatrymany złodziej, jaki traplaŭ u kvatery paśla psichałahičnaj apracoŭki dziaciej 3

Supracoŭniki Pieršamajskaha adździeła achovy 5 krasavika zatrymali na vulicy Kalinina ŭ Minsku złodzieja, jaki traplaŭ u kvatery paśla psichałahičnaj apracoŭki dziaciej haspadaroŭ,

paviedamili ŭ adździele infarmacyi i hramadskich suviaziej HUUS Minharvykankama.

Nahadajem, złačyniec pryhladaŭsia da dziaciej 10–13 hadoŭ, jakija hulali kala škoły, zatym padychodziŭ da adnaho ź ich i vykazvaŭ pretenzii nakont nibyta pryčynienaha jamu ŭronu. U pryvatnaści, mužčyna abvinavačvaŭ achviaru ŭ paškodžańni transpartnaha srodku (raźbivańni šyby, paškodžańni paštovaj skryni i h.d.) i patrabavaŭ advieści jaho damoŭ dla sustrečy z baćkami. «Paciarpieły» vyśviatlaŭ, ci sapraŭdy baćki ŭ hety momant znachodziacca doma. Kali darosłyja adsutničali, z dapamohaj maralnaha nacisku na dzicia jon traplaŭ u žyllo i vykradaŭ hrošy i kaštoŭnyja rečy.

Takich vypadkaŭ u horadzie z pačatku sakavika było šeść.

Jak paviedamili ŭ HUUS, 5 krasavika złodziej «apracoŭvaŭ» školnika, jaki ŭžo byŭ papiaredžany maci ab takim sposabie ŭčynieńnia złačynstva. Chłopčyk zapomniŭ mužčynu, zdoleŭ vyrvacca i patelefanavaŭ baćkam. Tyja paviedamili ŭ milicyju. U vyniku złačyniec byŭ zatrymany praź niekalki chvilin. Heta 34-hadovy minčanin, raniej nieadnarazova sudzimy za kradziažy, rabavańnie i razboj.

Zaraz u dačynieńni da zatrymanaha pravodziacca śledčyja dziejańni, skiravanyja na ŭstanaŭleńnie dačynieńnia da inšych anałahičnych złačynstvaŭ i zbor nieabchodnaj dokaznaj bazy. Kryminalnyja spravy pa faktach kradziažoŭ, machlarstva i rabavańnia raspačaty ŭ Maskoŭskim, Partyzanskim, Pieršamajskim, Savieckim i Frunzienskim RUUS stalicy.

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH