Pad Hrodna nieviadomy prataraniŭ spadarožnaje aŭto i ŭciok.
3 krasavika ŭ Hrodzienskim rajonie kala vioski Kvasoŭka nieviadomy mini-ven prataraniŭ spadarožnaje aŭto. «Piežo» ad udaru źmianiła trajektoryju, apynułasia ŭ kiuviecie i ŭpała na dach. U vyniku pierakulvańnia atrymaŭ traŭmy i źmieščany ŭ balnicu padletak, syn kiroŭcy. Nastupstvy hetaj avaryi mahli być značna bolš ciažkimi. Naščaście, usie čaćviora znachodzilisia ŭ sałonie «Piežo» (kiroŭca, jaho žonka i dvoje synoŭ), navat na zadnich siadzieńniach, byli pryšpilenyja ramianiami biaśpieki.
Vinavaty ŭ DTZ pakul nie viadomy, adnak u supracoŭnikaŭ milicyi dastatkova infarmacyi, jakaja dapamoža vyśvietlić jaho asobu. Pa słovach vidavočcaŭ, heta małady čałaviek sa śvietłymi vałasami. Padčas zamieny koła paśla ździajśnieńnia DTZ jaho bačyła praz akno adna z žycharak vioski Aharodniki. Jon byŭ u čyrvonaj kurtcy i kiravaŭ aŭtamabilem padobnym na «Folksvahien-šaran», ci «Ford-Hełaksi» abo na jaki-niebudź inšy miniven ciomna-siniaha albo čornaha koleru. Paśla sutyknieńnia ŭ hetaha aŭtamabila paškodžanaja piaredniaja častka.
Dziaržaŭtainśpiekcyja zaklikaje vinoŭnika DTZ nie paharšać svajo stanovišča i pryznacca ŭ ździejśnienym. A taksama prosić vidavočcaŭ zdareńnia, jakija vałodajuć luboj infarmacyjaj pra kiroŭcu, jaho aŭtamabil, abstaviny avaryi, patelefanavać u DAI pa telefonie 8-0152-79-75-05 abo pa 102.
