Hienieralnaja prakuratura Biełarusi admoviłasia raspačać spravu pa ŭsich zajavach Alesia Michaleviča. Pra heta paviedamiŭ 4 krasavika napres-kanfierencyi ŭ Minsku namieśnik hienprakurora Andrej Švied.
28 lutaha Michalevič sklikaŭ
U toj ža dzień Michalevič nakiravaŭ u Hienprakuraturu zajavu, u jakim prasiŭ «pravieści pravierku i spynić źvierstvy» ŭ dačynieńni da ludziej ŭ SIZA KDB.
U siaredzinie sakavika stała viadoma, što na padstavie zajavy Michaleviča hienprakuror Ryhor Vasilevič daručyŭ pravieści pravierku ŭmoŭ utrymańnia ŭ SIZA KDB.
17 sakavika Michaleviču pryjšła pozva ŭ Hienprakuraturu dla dačy tłumačeńniaŭ, adnak da taho času były kandydat u prezidenty ŭžo znachodziŭsia za miažoj, niahledziačy na padpisku ab niavyjeździe. Paźniej stała viadoma, što Michalevič atrymaŭ palityčny prytułak u Čechii.
Tym nie mienš, praz svaju žonku, jakaja zastałasia ŭ Minsku, palityk zajaviŭ pra hatoŭnaść dać tłumačeńni z nahody svajho zajavy ab katavańniach.
23 sakavika Miłana Michalevič paviedamiła, što try dni biespaśpiachova sprabavała źviazacca z supracoŭnikam Hienprakuratury, jaki padpisvaŭ pozvu ab vykliku jaje muža dla davańnia tłumačeńniaŭ, kab daviedacca, jak možna arhanizavać hetuju praceduru.
31 sakavika hienprakuror Vasilevič paviedamiŭ žurnalistam, što zapyt u Čechiju ab ekstradycyi Michaleviča pakul nie nakiroŭvaŭsia. «Hetaje pytańnie pakul znachodzicca ŭ stadyi razhladu», — skazaŭ jon.
