Imia Zianona Paźniaka i ciapier, praz šmat hod paśla jaho adjezdu ź Biełarusi, vyklikaje ŭ ludziej mocnyja emocyi — ad ščyraha zachapleńnia da lutaj nianaviści. Tym nie mienš, mnohija, asabliva moładź, viedajuć pra hetaha čałavieka dosyć mała. Chto jon taki, Zianon Paźniak? Što za čałaviek? Jakija rečy dla jaho hałoŭnyja ŭ hetym žyćci?
Letaś my źviarnulisia da Zianona Paźniaka i prapanavali jamu vykazacca na lubuju važnuju dla jaho temu. Na padstavie hetaj hutarki my zadumali stvaryć film, jaki budzie ilustravać jaho dumki.
«Davajcie pavandrujem pa Vilenščynie», — prapanavaŭ Zianon Paźniak.
Zianon Paźniak naradziŭsia ŭ Subotnikach, nievialikim miastečku, raźmieščanym kala samaj miažy Biełarusi i Litvy. Naturalna, u toj čas nijakaj miažy tam nie było. U maładości Zianon Paźniak kožny hod vandravaŭ ad Subotnikaŭ da Vilni praź miastečki i vioski.
Siońnia pamiž małoj radzimaj Zianona i Vilniaj — miaža. Subotniki zastalisia pa biełaruski bok, astatniaja, bolšaja častka šlachu – pa litoŭski. Hetaja ziamla — terra incognita dla sučasnych biełarusaŭ. Dyk davajcie vypravimsia ŭ vandroŭku pa joj razam ź Zianonam:
Kali raptam nie pracuje videa, to zirnicie pa hetaj spasyłcy pradublavany varyjant filma.
Mapa vandroŭki:
