U liście, nakiravanym ministru Viktaru Hałavanavu, Rada advakackich abjadnańniaŭ i jurydyčnych tavarystvaŭ Jeŭropy vykazvaje zaniepakojenaść u suviazi z vypadkami pieraśledu i cisku na biełaruskich advakataŭ i prosić adnavić licenzii advakataŭ Paŭła Sapiełki, Uładzimira Toŭścika, Tamary Harajevaj, Taćciany Ahiejevaj i Aleha Ahiejeva. Poŭny tekst lista — nižej.
Šanoŭny Ministr,
Źviartajusia da Vas ad imia Rady advakackich abjadnańniaŭ i jurydyčnych tavarystvaŭ Jeŭropy, jakaja praz nacyjanalnyja advakackija kalehii i tavarystvy
Rada, u pryvatnaści jaje Kamitet pa pravach čałavieka ŭ supracoŭnictvie z Kamitetam pa Centralnaj i Uschodniaj Jeŭropie, nadaje vialikuju ŭvahu pavazie da pravoŭ čałavieka i viaršenstva zakonu. U pryvatnaści, Rada adsočvaje situacyju z pravaabaroncami ŭ śviecie.
Hety list napisany z metaj pieradać zaniepakojenaść Rady z pryčyny ŭsio čaściejšych vypadkaŭ pieraśledu i ŭcisku advakataŭ u Biełarusi, u pryvatnaści, niadaŭnich padziej, jakija ŭklučajuć inicyjacyju i vykanańnie pracesu pazbaŭleńnia šerahu advakataŭ ich licenzii Minskaj haradskoj kalehijaj advakataŭ pa patrabavańni Ministerstva justycyi, a taksama sproby adchilić ich ad vykanańnia svaich prafiesijnych abaviazkaŭ u dačynieńni da svaich padabaronnych.
Papiaredni list, jaki byŭ dasłany 27 studzienia 2011 h., pieradavaŭ našu zaniepakojenaść u źviazku ź jurydyčnaj dapamohaj i situacyjaj, ź jakoj sutyknulisia advakaty ŭ Biełarusi.
Nakolki nam viadoma, cisk na niekatorych advakataŭ, što abaraniajuć pradstaŭnikoŭ palityčnaj apazicyi, niaŭchilna ŭzmacniaŭsia paśla akcyi pratestu, jakaja adbyłasia ŭ Minsku 19–20 śniežnia — uśled za praviadzieńniem prezidenckich vybaraŭ.
Rada była prainfarmavanaja, što prynamsi 5 advakataŭ — Pavieł Sapiełka (advakat kandydata ŭ prezidenty Andreja Sańnikava), Uładzimir Toŭścik, Tamara Harajeva, Taćciana Ahiejeva i jaje syn, Aleh Ahiejeŭ, byli pazbaŭlenyja advakackaj licenzii. Kasavańnie ich licenzij, u našym razumieńni, źjaŭlajecca naŭmysnaj sprobaj uradu pieraškodzić praviadzieńniu spraviadlivaha suda.
Rada taksama daviedałasia, što byli sarvanyja ci zabaronienyja sproby advakataŭ kansultavacca sa svaimi padabaronnymi
U hetym kantekście Rada žadaje pryciahnuć vašu ŭvahu da nastupnych artykułaŭ Asnoŭnych pryncypaŭ, što tyčacca roli jurystaŭ AAN (1990). Artykuł 16 havoryć:
«Urady pavinny zabiaśpiečyć dla jurystaŭ mahčymaść, a) vykonvać svaje prafiesijnyja abaviazki ŭ abstavinach, volnych ad pahroz, pieraškodaŭ, zapałochvańnia ci biespadstaŭnaha ŭmiašańnia; b) pieramiaščacca i bieź pieraškodaŭ kansultavacca sa svaimi klijentami ŭnutry krainy i za jaje miežami; i s) pracavać biez pahrozy pieraśledu abo sudovych, administracyjnych, ekanamičnych i inšych sankcyj za lubyja dziejańni, pryniatyja ŭ adpaviednaści z pryznanymi prafiesijnymi abaviazkami, normami i etykaj».
Artykuł 21 havoryć:
«Kampietentnyja orhany pavinny zabiaśpiečvać jurystaŭ svoječasovym dostupam da adpaviednaj infarmacyi, daśje i dakumientam, što znachodziacca ŭ ich viedańni ci pad ich kantrolem, z tym kab jurysty mieli mahčymaść akazvać efiektyŭnuju jurydyčnuju dapamohu svaim padabaronnym. Taki dostup pavinien być zabiaśpiečany adrazu ž pry źjaŭleńni patreby."
Da taho ž, artykuł 28 havoryć, što:
«Dyscyplinarnyja zachady ŭ dačynieńni da jurystaŭ razhladajucca biesstarońnim dyscyplinarnym kamitetam, stvoranym jurystami, u niezaležnym orhanie, praduhledžanym zakonam, ci ŭ sudzie i padlahajuć sudovamu kantrolu."
Bieručy va ŭvahu apošnija dziejańni, pryniatyja Minskaj haradskoj kalehijaj advakataŭ, Rada z usioj pavahaj prosić Vas adnavić licenzii Paŭła Sapiełki, Uładzimira Toŭścika, Tamary Harajevaj, Taćciany Ahiejevaj i jaje syna Aleha Ahiejeva i zabiaśpiečyć biełaruskim advakatam mahčymaść vykonvać svaje prafiesijnyja funkcyi biez strachu pierad zachadami ŭ adkaz ci lubymi inšymi niehatyŭnymi nastupstvami, takimi jak dyscyplinarnyja sankcyi.
Z pavahaj,
Prezident
