Jak stała viadoma «Našaj Nivie», kiraŭnik Mižnarodnaj misii manitorynhu pravoŭ čałavieka Andrej Juraŭ tolki što atrymaŭ pradpisańnie pakinuć terytoryju Biełarusi ciaham sutak.
Jaho abvinavacili ŭ «niezakonnym pierasiačeńni miažy», a taksama «ŭmiašalnictvie va ŭnutranyja spravy Biełarusi». U suviazi z zatrymańniem rasijskaha pravaabaroncy ambasada Rasii nakiravała notu ŭ MZS Biełarusi.
Nahadajem, što 16 sakavika a 21.05 na kvateru pa vulicy Čyrvonaj u Minsku, jakuju zajmali siabry Mižnarodnaj naziralnaj misii pa manitorynhu pravoŭ čałavieka ŭ Biełarusi pryjšli milicyjanty. Jany zapatrabavali puścić ich, matyvujučy heta tym, što, pavodle ich źviestak, u pamiaškańni padoŭhu žyvuć zamiežnyja hramadzianie. Pravaabaroncy puskać ich admovilisia, pakolki milicyja nie mieła adpaviednaha ordera.
Jak raskazali NN pravaabaroncy,
kiraŭnik misii Andrej Juraŭ vyjšaŭ da milicyjantaŭ na leśvičnuju placoŭku. Paśla dziesiacichvilinnaj razmovy jamu paviedamili, što jon «znachodzicca ŭ śpisach nieŭjazdnych u Biełaruś». Jurava advieźli ŭ RUUS Savieckaha rajona dla nastupnaj departacyi ŭ Rasiju.
U
Heta nie pieršy vypadak, kali siabroŭ Mižnarodnaj naziralnaj misii departujuć. Nahadajem, 9 sakavika ukrainski pravaabaroniec Maksim Kicuk, byŭ źniaty ź ciahnika
* * *
Mižnarodnaja naziralnaja misija pa manitorynhu pravoŭ čałavieka ŭ Biełarusi pačała pracu ŭ Minsku 27 śniežnia. Jany była stvoranaja pradstaŭnikami niaŭradavych arhanizacyj krain ABSIE i mižnarodnych hramadzianskich sietak i arhanizacyj. Dziejničaje pa daručeńni Kamiteta mižnarodnaha kantrolu za situacyjaj z pravami čałavieka ŭ Biełarusi, jaki jadnaje pradstaŭnikoŭ pravaabarončych arhanizacyj krain ABSIE. Ažyćciaŭlaje manitorynh ahulnaj situacyi z zachavańniem fundamientalnych pravoŭ čałavieka ŭ Respublicy Biełaruś, a taksama pytańniaŭ abarony pravaabaroncaŭ i zabieśpiačeńnia ich prafiesijnaj dziejnaści. Padkreślivaje, što pravy čałavieka źjaŭlajucca pradmietam naŭprostaj i zakonnaj zakłapočanaści mižnarodnaha hramadzianskaj supolnaści i zaklikaje, kab ułady Biełarusi trymalisia ŭziatych na siabie mižnarodnych abaviazalnictvaŭ u śfiery pravoŭ čałavieka, a
