U staličnym parku Horkaha ŭ subotu, 19 sakavika, hramadskaje abjadnańnie abarony žyvioł «Ehida» praviadzie akcyju pa razdačy biazdomnych žyvioł.
Akcyju vyrašana pravieści ŭ suviazi z tym, što vałanciory «Ehidy» za zimu prytulili vialikuju kolkaść sabak i katoŭ, jakim treba znajści haspadaroŭ.
Usiaho padčas akcyi, jakaja pačniecca ŭ 13.00, buduć pradstaŭlenyja 70 sabak i 30 katoŭ. Usie darosłyja žyvioły pryščeplenyja i sterylizavanyja, majuć pašparty, ščaniuki i kacianiaty — daviedku ab tym, što jany zdarovyja.
Toj, chto žadaje zabrać žyviołu, pavinien mieć pry sabie pašpart. Budučyja haspadary sabak pavinny taksama prynieści našyjnik, łancužok, a achvotnyja ŭziać kotku — pieranosku.
Padčas akcyi ŭ parku budzie pracavać namiot, kudy ŭsie achvotnyja zmohuć zdać charčavańnie, leki, srodki dahladu za biazdomnymi žyviołami dla «Ehidy».
Padčas akcyi adbudziecca kancert mastackaj samadziejnaści, pakaz sabačaj mody.
0
0
0
0
0
0
