Saif al-Isłam, syn livijskaha lidera Muamara Kadafi, zajaviŭ u sieradu ŭ intervju telekanału Euronews, što «vojski nabližajucca da paŭstancaŭ Bienhazi» i «usio skončycca praz 48 hadzin».
Adkazvajučy na pytańnie karespandenta ab uviadzieńni zabaronienaj dla palotaŭ zony nad Livijaj, Saif al-Isłam zajaviŭ: «Vajennaja apieracyja ŭžo hatovaja. Usio skončycca praz 48 hadzin. Našy vojski ŭžo padstupili da Bienhazi. Jakoje by rašeńnie nie pryniali adnosna našaj pavietranaj prastory, jano ŭžo nie budzie mieć značeńnia. Budzie ŭžo zanadta pozna».
Livijskija vajskoŭcy ŭžo zaklikali paŭstancaŭ u Bienhazi zdacca. Jak paviedamiła dziaržtelebačańnie, u zajavie ŭrada havorycca, što vojski iduć vyratavać narod «lubimaha Bienhazi».
«Paprasicie vašych padmanutych synoŭ zdać zbroju, ustrymacca ad padryŭnoj dziejnaści i supracivu. I tady Kadafi ich amnistuje», - cytuje Reuters dziaržtelebačańnie.
0
0
0
0
0
0
