Nastaśsia Pałažanka viarnułasia z dopytu ŭ KDB. Namieśnica staršyni Maładoha frontu, terminova vyklikanaja ranicaj dla praviadzieńnia śledčych dziejańniaŭ, paprasiła supracoŭnikaŭ ustanovy pierapynić dopyt u suviazi ź nieabchodnaściu pieradać leki svaim paplečnikam u SIZA na Vaładarskaha i atrymała pozvu na zaŭtrašniuju ranicu.
Akaličnaści dopytu, abvinavačanaja za 19 śniežnia razhałošvać prava nie maje, adnak havoryć, što vyklik nie byŭ vypadkovy i była hatovaja da roznaha raźvićcia padziejaŭ:
— Ja dumaju, što ja pryjšła tolki siońnia na dopyt: upieršyniu za apošni miesiac, bo ciaham miesiaca na dopyty ciahali inšych aktyvistaŭ Maładoha Frontu i navat rehijanalnych lidaraŭ. I ŭžo pa vyniku hetych dopytaŭ vyklikali mianie. Siońniašni dopyt nie byŭ doŭhim pakolki prasiła pieranieści jaho i praciah adbudziecca zaŭtra.
Na dumku Nastaśsi Pałažanki šyroki achop kolkaści apošnich dapytanych u KDB śviedčyć zbor infarmacyi śledčymi nie tolki pra paślavybarčyja padziei, ale i naahuł dziejnaść demakratyčnych aktyvistaŭ. Namieśnica staršyni nie vyklučaje što raźvićciom hetaj situacyi moža być i zaviadzieńnie jašče adnoj kryminalnaj spravy — ciapier užo pa 193 artykule za ŭdzieł u niezarehistravanaj arhanizacyi.
