U Viarchoŭnym sudzie Biełarusi startavaŭ sudovy praces pa spravie starejšaha śledčaha pa asabliva važnych spravach Hienieralnaj prakuratury Śviatłany Bajkovaj.Jana abvinavačvajecca pa piaci artykułach Kryminalnaha kodeksa: «Pryciahnieńnie ŭ jakaści abvinavačanaha zahadzia nievinavataha», «Prymus da davańnia pakazańniaŭ», «Zahadzia niezakonnaje zatrymańnie abo zaklučeńnie pad vartu», «Złoŭžyvańnie ŭładaj abo słužbovymi paŭnamoctvami», «Pieravyšeńnie ŭłady abo słužbovych paŭnamoctvaŭ».
U sud jaje pryvieźli pad achovaj.
Pa spravie prachodzić šeść paciarpiełych, adzin ź jakich — abvinavačany pa spravie byłoha kiraŭnika Departamienta finansavych rasśledavańniaŭ Anatola Hramoviča. Darečy, rasśledavała spravu Hramoviča mienavita Śviatłana Bajkova. Hramoviču, nahadajem, pradjaŭlenaje abvinavačvańnie pa č.3 art. 258 «Stvareńnie złačynnaj arhanizacyi albo ŭdzieł u joj» Kryminalnaha kodeksa Biełarusi. Pa dadzienaj spravie prachodzić bolš za 30 abvinavačanych, siarod jakich — byłyja supracoŭniki mytnych i pravaachoŭnych orhanaŭ. Sprava tyčycca epizodaŭ niezakonnaha pieramiaščeńnia praz pamiežny punkt propusku «Zachodni Buh» bujnych partyj adzieńnia i bytavoj techniki. Pavodle papiarednich acenak, škodu, naniesienuju dziaržavie ad niavypłaty padatkaŭ z uviezienych tavaraŭ, składaje nie mienš za 20 miljardaŭ rubloŭ.
Prysud pa spravie
Na łavie padsudnych razam sa Śviatłanaj Bajkovaj Karen Vartanian. Jamu inkryminujecca č.1 ar.154 Kryminalnaha kodeksa — «Naŭmysnaje pryčynieńnie praciahłaha bolu ci pakut sposabami, jakija vyklikajuć asablivyja fizičnyja i psichičnyja pakuty paciarpiełaha, albo sistematyčnaje naniasieńnie pabojaŭ, jakoje nie vyklikała nastupstvaŭ».Na forumach u internecie Karena Vartaniana zvali «kamiernym ahientam»: maŭlaŭ, znachodziačysia ŭ SIZA, jon u prostym sensie słova vybivaŭ z sukamiernikaŭ infarmacyju, nieabchodnuju toj ža Bajkovaj.
Śviatłana Bajkova byccam by admaŭlaje svaju datyčnaść da katavańniaŭ hramadzian.
Sud pa spravie Śviatłany Bajkovaj, nahadajem, prachodzić u zakrytym režymie. Nikoha z tych, chto nie maje adnosiny da pracesu, u zału pasiedžańniaŭ nie puskajuć.