Złodziej skraŭ 10 kh kapusty

Mužčyna uzłamaŭ kvateru byłoj sužycielki, źjeŭ toje, što było ŭ ladoŭni, paśla čaho skraŭ kala 10 kiłahramaŭ kapusty.

Z ranicy «palačyŭšysia» butelkaj pładova-jahadnaha vina, 40-hadovy rabočy sielhaspradpryjemstva vyrašyŭ naviedacca da byłoj siabroŭki, ź jakoj raniej žyŭ hramadzianskim šlubam. Adčynić dźviery pakinutymi z raniejšych časoŭ klučami nie atrymałasia, haspadynia źmianiła zamki. Adnak heta mužčynu nie spyniła — zachapiŭšy doma siakieru, jon viarnuŭsia da kvatery byłoj sužycielki. Uzłamaŭšy zamok, niaprošany hość naŭprost pajšoŭ na kuchniu da ladoŭni i pačaŭ zakusvać vypitaje niadaŭna śpirtnoje.

Padjeŭšy, złamyśnik vyrašyŭ nie pakidać žyllo byłoj siabroŭki z pustymi rukami. Spadabałasia kapusta, što lažała na kuchni. Sabraŭšy jaje, mužčyna rušyŭ na rynak, dzie zbyŭ tavar pa vielmi niepryvabnaj canie. Vyručki chapiła na čarhovuju vinnuju butelku. Spustašalnika ladoŭni i vykradalnika kapusty nieŭzabavie zatrymali.

U dačynieńni da padazravanaha raspačataja kryminalnaja sprava pa art. 205 Kryminalnaha kodeksa («Kradziež»), vynikam jakoj moža stać da 4-ch hadoŭ pazbaŭleńnia voli.

0

0

0

0

0

0

KAM pavodle HUUS

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH