Mižnarodny valutny fond (MVF) prapanoŭvaŭ uładam Biełarusi pravieści devalvacyju rubla, kab chutka źnizić admoŭnaje salda płaciežnaha bałansu. Adnak ułady admovilisia, matyvujučy heta rašeńnie palityčnymi ryzykami.
Pra heta havorycca ŭ dakładzie piersanału MVF, padrychtavanym pavodle vynikaŭ pracy ahladnaj misii fondu z 25 studzienia pa 2 lutaha ŭ Minsku.
«Ułady ŭśviedamlajuć ryzyki, ź jakimi jany majuć spravu, ale ličać, što zmohuć finansavać deficyt rachunku najaŭnych apieracyj u 2011 hodzie šlacham prodažu aktyvaŭ i źniešniaha zapazyčańnia, a ŭ dalejšym piacihadovy płan moža zabiaśpiečyć źniešniuju stabilnaść i vysokija tempy rostu biez pryniaćcia rašučych mier, prapanavanych piersanałam MVF, — havorycca ŭ dakładzie. — Jany asabliva adznačyli palityčnyja ciažkaści navat častkovaha zhortvańnia praviedzienaha niadaŭna pavyšeńnia zarabotnaj płaty. Niekatoryja słužbovyja asoby pryznali, što panižany valutny kurs dapamoh by adnavić źniešniuju raŭnavahu, ale aścierahalisia, što devalvacyja padarvie ŭpeŭnienaść u ekanomicy i asłabić davier da ich».
Piersanał MVF rekamiendavaŭ uładam Biełarusi pryniać stratehiju na asnovie hnutkaści abmiennaha kursu i z časam pierajści da tarhietavańnia inflacyi, bo heta ŭ najbolšaj stupieni adpaviadaje jak karotkaterminovym, hetak i doŭhaterminovym patrebam.
«U karotkaterminovaj pierśpiektyvie devalvacyja dazvoliła b chutka palepšyć deficyt rachunku najaŭnych apieracyj biez skaračeńnia abjomu vytvorčaści. U bolš doŭhaterminovaj pierśpiektyvie Biełaruś vyjhrała b ad pierachodu da bolš hnutkaha kursavoha režymu, jaki padmacoŭvaŭsia b sistemaj tarhietavańnia inflacyi. Heta zrabiła b ekanomiku bolš ustojlivaj da źniešnich šokaŭ i sadziejničała b padtrymańniu kankurentazdolnaści», — zaznačajuć ekśpierty fondu.
Piersanał MVF zhadaŭ pra ryzyku taho, što miery, skiravanyja na stymulavańnie ekanamičnaha rostu, «mohuć być niaŭstojlivymi navat u karotkaterminovaj pierśpiektyvie, u suviazi z čym isnuje nastojlivaja nieabchodnaść u praviadzieńni karekciroŭki».
«Kali Biełaruś stracić dostup da finansavańnia, reziervy mohuć źmienšycca chutčej, čym čakajecca.
Strata reziervaŭ moža pryvieści da straty kantrolu nad abmiennym kursam i sparadzić destabilizujučuju śpiral asłableńnia kursu valuty i inflacyi,bankaŭskaja sistema moža źviedać ryzyki, a vytvorčaść — zboi», — tłumačać ekanamisty fondu.
Kab abmiežavać niepasrednyja ryzyki, piersanał MVF rekamiendavaŭ zrabić bolš žorstkaj
Adnak, kanstatujuć ekśpierty fondu, Nacbank Biełarusi zaznačyŭ, što «kupla zamiežnaj valuty na rynku pradpryjemstvami i damašnimi haspadarkami ŭ studzieni była nižejšaj, čym u śniežni, i zrabiŭ z hetaha vysnovu pra adsutnaść nastojlivaj patreby ŭ źmienie palityki».
MVF padkreśliŭ «terminovuju nieabchodnaść spynić zapazyčańnie NBRB u zamiežnaj valucie ŭ kamiercyjnych bankaŭ i davieści reziervy da bolš prymalnaha ŭzroŭniu šlacham makraekanamičnaj karekciroŭki». Nacbank pahadziŭsia z hetym i zajaviŭ, što nie pavialičyć nazapašany abjom takich pazykaŭ da kanca 2011 hoda, chacia moža pavyšać uzrovień zapazyčańnia na praciahu hoda.
Piersanał MVF rekamiendavaŭ Nacbanku ŭstrymlivacca ad vykarystańnia administracyjnych mier dla abmiežavańnia popytu na invalutu, zaznačyŭšy, što takija miery mohuć vyklikać skažeńni na valutnych rynkach i pryvodzić da valutnych abmiežavańniaŭ abo praktyki množnych abmiennych kursaŭ. Ułady zajavili, što «buduć imknucca nie prymać mier, jakija b pieraškadžali zdolnaści imparcioraŭ kuplać zamiežnuju valutu».
