Akvapark na praśpiekcie Pieramožcaŭ u Minsku adkryjecca ŭ 2013 hodzie.Pra heta paviedamiŭ učora staršynia Minharvykankama Mikałaj Ładućka na sustrečy z vykładčykami i studentami Biełaruskaha dziaržaŭnaha piedahahičnaha ŭniviersiteta M. Tanka.
Budaŭnictva akvaparku pačałosia ŭ minułym hodzie la MKAD na kirunku ŭ Ždanovičy. Heta budzie bujny zabaŭlalny abjekt dla adpačynku na 1 tys. naviedvańniaŭ u dzień.
«Košt akvaparka vialiki — kala $80 młn (biez uliku hatela). Abjekt uzvodziać za kredytnyja resursy, jakija pryciahnuŭ Minharvykankam», — skazaŭ mer stalicy.
Jon taksama dadaŭ, što raniej zacikaŭlenaść u realizacyi hetaha prajektu vykazvaŭ inviestar, adnak płany nie ŭvasobilisia ŭ žyćcio. «Čakać inviestara mahli b doŭha. A žychary respubliki i našaha horada — žychary jeŭrapiejskaj dziaržavy — zasłužyli taki abjekt volnaha času, kab padtrymlivać svoj fizičny stan i dobry nastroj», — zaŭvažyŭ Mikałaj Ładućka.
U akvaparku, jaki raźličany na ekspłuatacyju ciaham usiaho hoda, praduhledžana siem asnoŭnych horak roznych uzroŭniaŭ składanaści i vyšyni skataŭ. Samaja ekstremalnaja dasiahnie 21 m. Častka akvaparku budzie pad adkrytym niebam. Asnoŭnym vodnym elemientam akvatoryi stanie basiejn z vadaspadami, fantanami, hiejzierami. Abjekt budzie abstalavany sistemaj vonkavaj i ŭnutranaj biaśpieki.
