U sudzie Maskoŭskaha rajona Minska adbyŭsia razhlad spravy hramadzian Rasii, jakija byli na Płoščy. Śviedčyli amonaŭcy, źbityja na Płoščy. Prysud akazasia miakkim: štraf pamieram kala 3000 dalaraŭ. Chłopcaŭ vyzvalili ŭ zale suda, na radaść svajakam i da zadavalnieńnia prysutnych rasijskich dypłamataŭ. Rasiejcy zajavili, što hvałt u turmie da ich nie ŭžyvaŭsia.
Siabroŭka i mama abdymali Arcioma i Ivana. Fota radyjo Svaboda.
Śpiecnazaŭcy ŭ zale suda. Fota Jeŭraradyjo.
Breus (na zadnim płanie) i Haponaŭ.
20:10
Haponaŭ i Breus pieradali pryvitańnie žycharam 21-aj i 58-aj kamier SIZA na Vaładarskaha. Kažuć, što siła ŭ dačynieńni ich nie prymianiałasia. Adnak byli nievialikija pahrozy padčas dopytaŭ. Chutčej za ŭsio, rašeńnie suda jany buduć abskardžvać. Ź Biełarusi rasijanie źjazdžać nie źbirajucca.
19:58
Sud pryznaŭ Breusa i Haponava vinavatymi. Pakarańnie -- pa 300 bazavych vielečyń štrafu. Rasijan zaraz musiać vyzvalić z kletki.
***
Prysud budzie abvieščany a 19-j viečara.
U svaim apošnim słovie abodva padsudnyja zajavili, što nie parušali zakonu i vykazali spadzieŭ, što sudździa pastavicca da ich abjektyŭna. Breŭs pryznaŭ, što braŭ udzieł u niesankcyjanavanym mierapryjemstvie i ŭžo adbyŭ pakarańnie. Jon spadziajecca, što sudździa heta ŭličyć., paviedamlaje Radyjo Svaboda.
Advakaty patrabujuć vyzvalić svaich padabaronnych.
16:54
Prakuror paprasiŭ pakarać Breusa i Haponava hrašovym štrafam. Pa 17 miljonaŭ rubloŭ kožnaha.
16:47
Pačalisia sudovyja sprečki.
16:14
Pačali vyvučać materyjały spravy.
16:12 Dopyt
16:07
Dopyt
15:50
Karespandenta NN vyvieli biez tłumačeńnia pryčyn z zały suda, pravieryli telefon, i zabaranili viartacca ŭ zału suda pa rečy.
15:43
Pačaŭsia dopyt Jaŭhiena Sakača, śpiecnazaviec, 27 hadoŭ.
15:23
Nastupny paciarpieły — Pałavinkin Andrej, 1984 h.h., siaredniaja adukacyja, śpiecnazaviec PMSP Minharvykankama.
Jon byŭ na Płoščy ŭ jakaści «cichara», kaža, što zbroi ŭ demanstrantaŭ nie bačyŭ. Raspaviadaje, što pakul pracavała mabilnaja suviaź, jon moh zachavać ananimnaść, a kali mabilniki pierastali łavić sihnał, jon staŭ karystacca racyjaj. Tady jaho raskryli i pačali bić. Jon atrymaŭ roznyja traŭmy.
15:21
Nastupny śpiecnazaviec raskazvaje, što čuŭ pahrozy u svoj adras — «Bi milicyjanieraŭ». Paśla hetych pahroz z natoŭpu vybieh 60-hadovy mužčyna i atakavaŭ jaho ahnietušycielem. Taksama kaža, što nie prachodziŭ sudmiedekśpiertyzy, choć prakuror dałučyŭ jaje da spravy. Breusa i Haponava jon bačyć pieršy raz.
15:16
Pačaŭsia dopyt Ivana Vołkava, 1982 h.n., śpiecnazaviec, adukacyja vyšejšaja.
pakazańni śpiecnazaŭcaŭ stali padobnyja adzin na druhoje, i sudździa i prakuror zadajuć im usio mieniej pytańniaŭ.
15:00
Pačaŭsia dopyt Dźmitryja Lavickaha. Jon kiroŭca śpiecnaza PMSP, 1972 h.n. adukacyja siaredniaja.
Lavicki kaža, što demanstrant adabraŭ ŭ jaho ščyt i udaryŭ ščytom u zub Lavickamu. Kaža, što demanstranty chavali tvary za šapkami i šarfami, i tamu nikoha jon nie zapomniŭ. Jon kaža, što demanstranty mahli spakojna v\syści z Płoščy, ich nie zatrymlivali. Jamu zapiarečyŭ Breus, bo jaho zatrymali pry sprobie zrabić heta.
14:41
Pačaŭsia dopyt paciarpiełaha Eduarda Karavajeva, 1981 hoda naradžeńnia, adukacyja siaredniaja.
Jon kaža, što jaho ŭdaryli pa hałavie, paśla čaho ŭ jaho źjaviŭsia šum u vušach. Zbroi ŭ demanstrantaŭ taksama nie bačyŭ, tolki draŭlanyja pałki.
Na pasiedžańni pra Breusa i Haponava ŭsie zabylisia. Im nichto nie zadaje pytańniaŭ.
Karavajeŭ kaža, što ŭ špitali ŭ jaho byŭ adzin ahlad, paśla jakoha jamu napisali ŭ dyjahnazie «toje, što treba».
14:29
Pačaŭsia dopyt paciarpiełaha Juryja Dalidoviča, 1975 hoda naradžeńnia, kamandzir uzvoda PMSP.
Dalidovič kaža, što bačyŭ jak u śpiecnaz niechta kinuŭ mietaličnuju urnu, bačyŭ, jak niekalkich śpiecnazaŭcaŭ vyciahnuli z šerahaŭ i pabili. Samomu Dalidoviču dastałasia pa zubach, ale ich nie vybili.
Śpiecnazaviec taksama narakaje na fotakarespandentaŭ — maŭlaŭ jany ŭspyškami jaho aślapili i jon niekalki chvilin nie moh bačyć.
Dalidovič zajaviŭ, što śpiecnazu supraćstajali mocnyja mužčyny ŭ dublonkach. Kaža, što takich demanstrantaŭ było 6 tys. Na pytańnie, čamu hetyja 6 tys. nie raźmiali śpiecnaz, adkazaŭ, što nie viedaje, i pacisnuŭ plačyma.
14:27
Kaštalanaŭ Breusa i Haponava na płoščy nie bačyŭ. Taksama nie viedaje, chto ich zatrymlivaŭ. Adnak daŭ vyznačeńnie terminu «biesčynstvujuščaja tałpa», jon ličyć, što heta masa ludziej, jakija arhanizavana parušajuć zakon, ździajśniajuć supraćpraŭnyja dziejańni.
14:07
Pačynajecca dopyt paciarpiełaha Kaštalanava Alaksandra — jon namieśnik kamandzira minskaha PPSP (davaŭ pakazańni suprać Miadźviedzia). Adukacyja vyšejšaja. Dajučy pakazańni, chvalujecca, ale raskazvaje ab «biasčynstvujuščaj tałpie», udarach pa ščytach milicyjanieram. U pakazańniach nie błytajecca.
Kaštalanaŭ raskazvaje, što demanstranty zakidvali śpiecnach vudačkami i płastykavymi butelkami. Taksama kaža, što suprać śpiecnaza vykarystoŭvali vohnietušycieli. Samomu Kaštalanavu mocna ŭdaryli pa nazie.
Advakaty zadali jamu pytańnie, što jon bačyŭ na płoščy. Jon u adkaz zajaviŭ, što bačyŭ toje ž, što pakazali ŭ filmie «Płošča».
Kaštalanaŭ: «Mnie ŭsio heta nahadała 1996 hod. Tady było ŭsio takim ža. Natoŭp byŭ zaviedzieny».
13:59
Pierapynak skončyŭsia. U zału zajšli jašče 10 pabitych śpiecnazaŭcaŭ. Im navat nie chapiła miesca na dadatkovych łavach — adzin siadzić na kreśle. pryniesienym sakratarkaj.
12:37
Abvieščany pierapynak da
12:26
Pačaŭsia dopyt čaćviertaha paciarpiełaha śpiecnazaŭca — Ihara Dziankieviča. Jon, u adroźnieńnie ad inšych śpiecnazaŭcaŭ, upeŭnieny ŭ miescy i časie padziej.
Dziankievič raskazvaje, što jaho bili nahami i rukami. Bačyŭ mietaličny prut u rukach adnaho z demanstrantaŭ. Raskazvaje taksama, što na jaho napali z ahniahaśnikam čatyry čałavieki. Heta byŭ paraškovy ahniahaśnik — struja zabiła jamu šlem i zakryła ahlad. Jon paśla źviarnuŭsia pa miedycynskuju dapamohu. Pavodle Dziankieviča, jon bačyŭ siarod mitynhoŭcaŭ milicyjanta (Kłaskoŭskaha?).
12:15
Pačaŭsia dopyt Komara. Jon naradziŭsia ŭ 1980 h. maje siaredniuju adukacyju, sasłužyviec papiarednich śpiecnazaŭcaŭ.
Jon taksama nie bačyŭ zbroi ŭ mitynhoŭcaŭ. Kaža, što nie bačyŭ, kab demanstranty vyryvali ŭ śpiecnazaŭcaŭ dubiny i ščyty. Jon tolki čuŭ pra heta paźniej ad sasłužyŭcaŭ.
12:06
Kudraviec taksama nie pamiataje, dzie i kali jaho dapytvali pa spravie Breusa i Haponava. Na pytańnie, čamu nie pamiataje, adkazaŭ, što nie pamiataje.
11.55
Pakazańni paciarpiełaha Kudraŭca nastolki niapeŭnyja, što składvajecca ŭražańnie, byccam navat prakurora jany razdražniajuć.
A.Kudraviec nie bačyŭ u demanstrantaŭ zbroi, hazavych bałonaŭ i armatury. Jon kaža, što bili rukami i nahami, a taksama «draŭlanymi dreŭkami».
Taksama śćviardžaje, što jaho nastolki źbili na płoščy Niezaležnaści, što jon dziesiać dzion pravioŭ u špitali.
11.50
Z pakazańniaŭ Kudraŭca: «Jany niekalki razoŭ staralisia prarvać naš šerah… Mianie chvatali za ščyt, nanosili ŭdary… Ad udaraŭ ja nie ŭpaŭ, adnak adčuvaŭ balavy šok, ja ledźvie išoŭ…»
11.40
Pačaŭsia dopyt treciaha paciarpiełaha — Alaksandra Kudraŭca, 1979 h.n., ź siaredniaj śpiecyjalnaj adukacyjaj. Kudraviec, jak i papiarednija paciarpiełyja, śpiecnazaviec.
Jon pačaŭ z taho, što ničoha novaha da skazanaha papiarednimi paciarpiełymi dadać nie moža.
Kudraviec taksama nie moža paviedamić, kali jon źjaviŭsia na płoščy Niezaležnaści i jakim čynam.
11.35
Advakaty zadajuć pytańni paciarpiełamu Skarachodu. Jon nie zmoh ŭzhadać, dzie i kali jaho dapytvaŭ śledčy pa dadzienaj spravie, niahledziačy na toje, što pavodle dakumientaŭ śledstva, papiaredni dopyt Skarachoda adbyŭsia dva tydni tamu.
Skarachoda razzłavali pytańni advakataŭ, jon amal kryčyć, adkazvajučy na ich.
11.25
Z pakazańniaŭ D.Skarachoda: «My stajali šeraham pierad Domam urada. Natoŭp vioŭ siabie ahresiŭna, staraŭsia razarvać naš łancuh… Mianie schapili za ščyt i vopratku, vyciahnuli ŭ natoŭp, pačali bić. Ja ŭpaŭ… Sarvali šlem, bili nahami pa hałavie. 2–3 udara pa hałavie i adzin u plačo. Praź niejki čas šerah śpiecnaza nastupiŭ, mianie adbili. Ja ŭstaŭ i praciahnuŭ vykanańnie svaich abaviazkaŭ… Paśla demanstracyi ŭ mianie była pabitaja hałava i siniak na plačy. Ja pravioŭ tydzień u špitali».
Breusa i Haponava Skarachod na płoščy Niezaležnaści nie bačyŭ.
11.20
Pačaŭsia dopyt paciarpiełaha Dźmitryja Skarachoda. Jon naradziŭsia ŭ 1975 hodzie, maje siaredniuju śpiecyjalnuju adukacyju. Sasłužyviec Bułavackaha.
Raskazvaje, jak trapiŭ na płošču Niezaležnaści. Dakładnaha času i miesca raźmiaščeńnia jaho častki ŭ rajonie płoščy Niezaležnaści jon nie pamiataje.
11.15
Padčas hutarki z advakatami abvinavačanych paciarpieły Bułavacki zajaviŭ, što demanstranty 19 śniežnia źbiralisia «złamać kanstytucyjny ład Respubliki Biełaruś».
11.05
Advakaty zadavali pytańni Bułavackamu. Jon pabłytaŭsia ŭ časie svajho znachodžańnia na płoščy Niezaležnaści. Taksama nie zmoh nazvać dakładnaha miesca, dzie ź jaho sarvali šlem.
Tym časam pakazańni Bułavackaha ŭschvalavali dvuch inšych paciarpiełych śpiecnazaŭcaŭ. Jany pačali spračacca pamiž saboj i ŭ vyniku nazvali adzin adnaho «debiłami».
11.00
Z pakazańniaŭ paciarpiełaha Bułavackaha: «Pa nas kidali niejkimi pradmietami. Ja nie viedaju, što heta byli za pradmiety, niejkija. Nu, śniežki tam dakładna byli… Taksama nas bili rukami i nahami, adbirali ščyty, zryvali z nas šlemy. Ź mianie udałosia sarvać šlem… 3 albo 4 razy udaryli rukoj mianie pa tvar… U nas spracavaŭ instynkt samazachavańnia i my trochi adstupili, ale stajali dalej».
Prakuror zadavaŭ paciarpiełamu Bułavackamu navodziačyja pytańni. Padčas dopytu hołas prakurora hučaŭ našmat bolš, čym hołas samaho paciarpiełaha.
Razam z tym Bułavacki nie moža paznać Breusa i Haponava. Na płoščy Niezaležnaści jon ich nie bačyŭ.
10.55
Pačaŭsia dopyt paciarpiełaha śpiecnazaŭca Dzianisa Bułavackaha. Jamu 26 hadoŭ, siaredniaja adukacyja, słužyć u PMSP HUUS Minharvykankava.
10.50
I A.Breus, i I.Haponaŭ śćviardžajuć, što nie bačyli, jak niechta na płoščy Niezaležnaści aktyŭna supraciŭlaŭsia supracoŭnikam pravaachoŭnych orhanaŭ. Taksama nie bačyli adabranych dubinak, sarvanych z hałovaŭ śpiecnazaŭcaŭ šlemaŭ i złamanych ščytoŭ.
Hramadzianie Rasii nastojvajuć, što aktyŭny ŭdzieł u akcyi pratestu brała nievialikaja kolkaść ludziej.
10.40
Prakuror vyjaviŭ supiarečnaści ŭ pakazańniach Haponava, dadzienych padčas śledstva i na sudovym pasiedžańni. U pratakołach dopytaŭ paznačanyja nastupnyja słovy Ivana Haponava: «Ja pryjšoŭ na Płošču, tamu što liču, što krainaj pavinien kiravać inšy čałaviek. Pryjšoŭ, kab vykazać svaju hramadzianskuju pazicyju». Na sudzie Haponaŭ havoryć, što ŭziaŭ udzieł u demanstracyi ź cikavaści.
Takija pytańni prakurora prymusili Haponava na niekatory čas błytacca, adnak u vyniku jon paviedamiŭ, što padziei na Kastryčnickaj płoščy jaho zacikavili i jon vyrašyŭ iści na płoščy Niezaležnaści ź cikaŭnaści.
Ivan Haponaŭ
10.30
Pačaŭsia dopyt Ivana Haponava. Jon taksama paŭtaryŭ, što paćviardžaje svaje raniejšyja pakazańni i ničoha novaha dadać da ich nie moža. Vinavatym siabie nie pryznaje.
10.25
Breus adkazvaŭ na pytańni ŭpeŭniena. Paŭtaryŭ svaje słovy ab tym, što nie supraciŭlaŭsia supracoŭnikam milicyi, nie bačyŭ u rukach pratestujučych mietaličnych štyroŭ i šklanych butelek.
Raspavioŭ taksama, jak jaho dvojčy ŭdaryli pa hałavie supracoŭniki milicyi pry zatrymańni.
Ciapier Arcioma apytvaje advakat.
Uvohule praciah pracesu nahadvaje pieršy jaho dzień — tyja ž pytańni i adkazy.
10.15
Sudździa adchiliła chadajnictva advakataŭ Breusa i Haponava ab tym, što paciarpiełyja śpiecnazaŭcy nie mohuć vystupać padčas pracesu ŭ jakaści paciarpiełych. Tym časam stali viadomyja proźviščy prysutnych u zale śpiecnazaŭcaŭ. Heta Bułavacki, Skarachod, Kudraviec, Dziankievič i Komar. Inšyja 10 paciarpiełych śpiecnazaŭcaŭ na pasiedžańnie nie źjavilisia.
Prakuror pačaŭ dopyt Breusa. Pytańni takija ž, jak i 22 lutaha — ab pryčynach udziełu ŭ demanstracyi, ab tym, što tam adbyvałasia.
10.07
U zalu prynieśli niekalki dadatkovych łavaŭ, pastavili ich la ściany. Paśla hetaha ŭ zału zajšli piać mocnych maładych mužčynaŭ i raśsielisia na łavach. Sakratarka pravieryła ich proźviščy. Miarkujučy pa ŭsim, hetyja piaciora naležać da piatnaccaci śpiecnazaŭcaŭ, jakija nibyta paciarpieli padčas padziej na płoščy Niezaležnaści 19 śniežnia 2010 hoda.
10.05
Praces praciahnuŭsia. Z zały paprasili vyjści fatohrafaŭ i videaapierataraŭ. Niahledziačy na vialikuju cikavaść da pracesa Breusa i Haponava, u zale jość volnyja miescy, čaho raniej nie nazirałasia.
Hałoŭnaja intryha siońniašniaha pasiedžańnia — ci skončycca razhlad spravy rasijskich hramadzian da pryjezdu ŭ Minsk Uładzimira Pucina. Nahadajem, što vizit rasijskaha premjera ŭ biełaruskuju stalicu zapłanavany na 15 sakavika.
Siońnia, 10 sakavika, praciahniecca razhlad spravy Arcioma Breusa i Ivana Haponava,jakija abvinavačvajucca va ŭzbrojenym supraciŭleńni supracoŭnikam milicyi, aktyŭnym udziele ŭ masavych biesparadkach 19 śniežnia na płoščy Niezaležnaści ŭ Minsku, a taksama ŭ naniasieńni paškodžańniaŭ Domu urada.
Pieršaje sudovaje pasiedžańnie pa spravie rasijan adbyłosia jašče 22 lutaha, adnak prakuror padaŭ chadajnictva ab tydniovym pierapynku ŭ suviazi z paŭstaŭšaj nieabchodnaściu pierakvalifikacyi abvinavačvańnia. Razhlad spravy adnaviŭsia 1 sakavika, adnak doŭžyŭsia ŭsiaho hadzinu — prakuror Siarhiej Kunas začytaŭ abvinavačvańnie, jakoje ničym nie adroźnivałasia ad papiaredniaha, i dałučyŭ da spravy dakumienty, što ŭtrymlivali dokazy źbićcia viečaram 19 śniežnia na płoščy Niezaležnaści 15 śpiecnazaŭcaŭ. Advakaty Breusa i Haponava ŭ suviazi z hetym padali chadajnictva ab pierapynku, nieabchodnym dla aznajamleńnia z novymi dakumientami. Sudździa Luboŭ Siamachina zadavoliła hetaje chadajnictva advakataŭ, adnak admoviła ŭ inšym — vyzvaleńni padazravanych pad padpisku ab niavyjeździe.
Chod pracesu nad rasijskimi hramadzianami ŭžo vyklikaŭ rozhałas u hramadstvie i na mižnarodnaj arenie. U pryvatnaści, rasijskaje MZS vykazała svaju zakłapočanaść u suviazi sa źjaŭleńniem niečakanych śviedak — 15 pabitych śpiecnazaŭcaŭ.
Nahadajem taksama, što ni A.Breus, ni I.Haponaŭ svajoj viny nie pryznajuć.
Sudździa — Luboŭ Siamachina, uniesienaja ź śpis nieŭjaznych u ES pad numaram 140. Dziaržaŭny abvinavaŭca — staršy pamočnik prakurora Maskoŭskaha rajona Minska Siarhiej Kunas.
Artykuł 293 «Masavyja biesparadki»
1. Arhanizacyja masavych biesparadkaŭ, jakija supravadžajucca hvałtam nad asobaj, pahromami, padpałami, źniščeńniem majomaści, uzbrojenym supracivam pradstaŭnikam ułady, karajecca pazbaŭleńniem voli na termin ad piaci da piatnaccaci hadoŭ.
2. Udzieł u masavych biesparadkach, jaki vyjaviŭsia ŭ niepasrednym učynieńni dziejańniaŭ, nazvanych u častcy pieršaj, karajecca pazbaŭleńniem voli na termin ad troch da vaśmi hadoŭ.
Raniej biełaruskimi sudami za ŭdzieł u masavych biesparadkach u Miensku byli asudžanyjaVasil Parfiankoŭ — da 4 hadoŭ pazbaŭleńnia voli ŭ kałonii strohaha režymu,
Alaksandr Małčanaŭ byŭ asudžany na 3 hady, Dźmitryj Novik — na 3 hady i 6 miesiacaŭ pazbaŭleńnia voli.
Usiaho pa spravie ab masavych biesparadkach prachodzić kala 40 abvinavačvanych i 12 padazravanych. Kala 30 abvinavačanych utrymlivajucca pad vartaj, 2 — pad chatnim aryštam, bolš za 10 — pad padpiskaj ab niavyjeździe.
Siarod abvinavačanych — 5
Siarod padazravanych — dva
