Na praśpiekt Haziety «Praŭda» zvaliŭsia viežavy kran 15

Pryčynaj padzieńnia viežavaha krana ŭ Minsku, jak miarkujecca, stała parušeńnie instrukcyi pa mantažy. Pra heta paviedamili ŭ pres-słužbie MNS.

Abvał viežavaha krana z vyšyni prykładna 15 m adbyŭsia 3 sakavika kala 16.30 na terytoryi budaŭnictva žyłoha doma pa praśpiekcie Haziety «Praŭda».

— Padčas mantažu dadatkovych elemientaŭ viežavaha krana (QTZ-80, 2007 h.v., hruzapadymalnaść 8 t, vytvorčaść KNR) adbyłosia jaho padzieńnie na prajeznuju častku miascovaha prajezdu ad pr. Haziety «Praŭda» ŭ napramku da vuł. Alibiehava, — udakładnili ŭ MNS.

Surjoznyja traŭmy atrymaŭ mašynist krana — pry padzieńni šmattonnaj kanstrukcyi mužčyna vypaŭ z kabiny na ziamlu. Z čerapna-mazhavoj traŭmaj ciažkaj stupieni i šmatlikimi pierałomami jon dastaŭleny ŭ Haradskuju kliničnuju balnicu chutkaj miedycynskaj dapamohi.

Ruch transpartu ŭ napramku vuł. Alibiehava byŭ časova prypynieny.

0

0

0

0

0

0

Salidarnaść

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH