U sacyjalnaj sietcy «Ukantakcie» źjaviłasia sustreča na Dzień Voli. Pryčym udzielniki padzialilisia nastupnym čynam: 777 čałaviek skazali, što pryjduć dakładna, a 1368 — mahčyma pryjduć.Paśla taho, jak «Ukantakcie» źjaviłasia novaja opcyja dla udzielnikaŭ sustreč «mahčyma pryjdu», atrymlivać ahulnuju karcinu budučaj padziei stała lahčej.
Infarmacyja ad arhanizataraŭ vyhladaje tak: «Pradstaŭniki palityčnych partyj i ruchaŭ razam ź lidarami Maładoha frontu pryniali rašeńnie pra supolnaje šeście na Dzień voli 25 sakavika. Na pasiadžeńni arhkamiteta pa praviadzieńni Dnia Voli, kudy byli zaprošanyja pradstaŭniki „Maładoha frontu“, pryniata rašeńnie źviarnucca ŭ Minharvykankam, kab anulavać dźvie papiarednija zajaŭki i padać novuju supolnuju zajavu na mitynh i šeście pa maršrucie: płošča Jakuba Kołasa — park Janki Kupały."
Doŭžycca akcyja pavinna dźvie hadziny.
U fotalbomie sustrečy lažać varyjanty nalepak, pryśviečanyja Dniu Voli, a taksama videarolik Biełsatu „Nie zabudźsia!“. Udzielniki zaklikajuć dasyłać infarmcyju pra sustreču ŭ kamientary na sajty „Našaj Nivy“, radyjo „Svaboda“ i „Chartyja97“. A taksama aktyŭna abmiarkoŭvajuć mahčymaść arhanizacyi Dnia Voli nie tolki ŭ Minsku, ale ŭ inšych haradach (naprykład, u Viciebsku). Ale čaściej za ŭsio ŭdzielniki sychodziacca ŭ mierkavańni, što varta ŭsim pryjechać u Minsk.
Tut ža abmiarkoŭvajucca idei nakont praviadzieńnia samoha Dnia Voli, pry čym prapanovy hučać roznyja: ad pikietu la ambasady Livii, da razdačy minakam cukierak z harbataj i masavaha čytańnia vierša Kupały „Na schod“.
Arhanizatary sustrečy — Biełaruski Narodny Ruch " Niezaležnaja Biełaruś» (http://vkontakte.ru/club23430218) — prapanujuć stvaryć infarmacyjnuju placoŭku ŭ sacyjalnych sietkach. Z adnaho boku bolšaść udzielnikaŭ sustrečy ličyć, što akcyja pavinna być mirnaj. U supołcy arhanizataraŭ prapanujecca zusim inšy varyjant: " Paśla padziejaŭ 19 śniežnia ŭsie my pierakanalisia ŭ nieabchodnaści radykalnaha padychodu da prablemy. Mirnyja akcyi vyčarpali siabie i nie dali patrebnaha efiektu. Meta hrupy: abjadnańnie apazicyjnaha ruchu dla baraćby."
Treba zaznačyć, što kolkaść padpisantaŭ na sustreču «Ŭ kantakcie» nikoli nielha ličyć abjektyŭnj ličbaj, navat z ulikam opcyi «mahčyma, pajdu». Jak nieadnarazova pakazvała praktyka — šmat chto traplaje ŭ supołku dabraachvotna, ale pry hetym nie nadajučy hetamu nijakaha značeńnia. Naprykład, pavodle «Ŭ kantakcie», 19 śniežnia na Płošču mieli pryjści 130 000 čałaviek.
