Učora ŭ Internecie źjaviŭsia śpis dziejačoŭ kultury, jakich nie rekamiendujecca ŭzhadvać u aficyjnych ŚMI.Ministerstva infarmacyi ŭžo abvierhła jahonaje isnavańnie, ale dziejačy kultury, čyje imiony fihurujuć u śpisie ŭsio adno apasajucca. Z adnaho boku na papierčynie niama nivodnaj piačatki i vyhladaje jana jak «samapał». Ź inšaha — isnavańnie "čornych śpisaŭ" dziejačoŭ kultury vierahodnaje: niekalki hadoŭ tamu jany ŭžo isnavali. «NN» źviazałasia ź niekatorymi fihurantami sa śpisu.
Źmicier Vajciuškievič:
-Ja ŭžo pryzvyčaiŭsia, bo traplaŭ u takija śpisy dva ci try razy. Nasamreč, mahli b prydumać dla nas
Alaksandr Kulinkovič:
-Pakul ničoha nie viadoma. Hetaja papierka — niejkaja łaža, ja i sam mahu takuju zrabić, unieści ŭ jaje choć prezidenta i raspaŭsiudzić. Tam papiera amal tualetnaja, nivodnaj piačatki. Kali zabaranili — dobra, ja rady. Ja ŭvohule chacieŭ, kab mianie zabaranili, z taho času jak my schadzili da Pralaskoŭskaha. Tamu što sa śpisam ci bieź jaho, ale
Hanna Volskaja:
-My taksama daviedalisia pra śpis ź internetu. Z nami takoje ŭžo adbyvałasia. Kali my sutykniemsia z hetym u žyćci, to budziem vyrašać hetuju prablemu jurydyčna. A pakul nijakaj zakonnaj siły ŭ śpisa hetaha niama. Nam nie ŭpieršyniu z takim sutykacca, a ŭ adnuju i tuju raku dvojčy nie ŭvachodziać.
Andrej Kurejčyk:
-Mnie z našymi čynoŭnikami nie pa darozie. Kali źjaŭlajucca takija śpisy ŭ XXI stahodździ, jano pieraŭtvarajecca ŭ Siaredniaviečča. Jany prosta rujnujuć nacyjanalnuju kulturu. U mianie jość dośvied — žurnalisty aficyjnych haziet i telebačańnia mnie nie adzin i nie dva razy kazali, što ŭzhadvać mianie ci zaprašać u studyju jany nie mohuć. Naprykład, u «SB» vychodziła vialikaja recenzija na śpiektakl «Panie Kachanku», a proźvišča aŭtara, to bok majo, ni razu nie ŭzhadvałasia. Tamu apalnyja śpisy isnavali i raniej, a novy prosta šyrejšy ci naadvarot bolš vuzki.
