Nacyjanalny kamitet Abjadnanaj hramadzianskaj partyi vykazaŭ votum niedavieru namieśniku staršyni AHP Jarasłavu Ramančuku. Jaho dalejšy los vyrašyć źjezd partyi. Ad pasady vyzvaleny taksama Andrej Dźmitryjeŭ.
Siabry AHP inicyjavali pytańnie ab jaho dalejšym udziele ŭ žyćci partyi.
Na pasiadžeńni była zasłuchana pazicyja byłoha kandydata ŭ prezidenty ad AHP, jaki ŭ cełym paŭtaryŭ ŭsio raniej skazanaje. Z razhromnaj krytykaj dziejańniaŭ Jarasłava Ramančuka paśla 19 śniežnia vystupili hanarovy staršynia AHP Stanisłaŭ Bahdankievič i namieśnik staršyni Leŭ Marholin, a taksama inšyja aktyvisty AHP.
Siońnia ž Nacyjanalny kamitet AHP vyzvaliŭ ad pasady staršyni kamisii AHP pa mižnarodnych pytańniach Andreja Dźmitryjeva. U časie prezidenckaj kampanii jon uznačalvaŭ vybarčy štab Uładzimira Niaklajeva. U noč na 20 śniežnia Dźmitryjeŭ byŭ zatrymany, 3 studzienia vyzvaleny ź śledčaha izalatara KDB pad padpisku ab niavyjeździe.
Novym staršyniom kamisii pa mižnarodnych pytańniach abrany Jury Łaŭrenćjeŭ.
