Biełaruskija reziervy skurčylisia da pamieru miesiačnaha abjomu impartu ź nievialikim. Heta nie značyć bankructva, ale vymahaje terminovych antykryzisnych mieraŭ.
Pavodle papiarednich źviestak, mižnarodnyja reziervovyja aktyvy (zołatavalutnyja reziervy) Biełarusi, raźličanyja pa standartach MVF, za studzień 2011 hoda pamienšali na 687,7 młn. dołaraŭ ZŠA (na 13,7%) i na 1 lutaha skłali 4 młrd. 343 młn. dołaraŭ ZŠA.
Va ŭpraŭleńni infarmacyi Nacyjanalnaha banka adznačajuć, što «źnižeńnie zołatavalutnych reziervaŭ źjaŭlajecca charakternaj dla studzienia źjavaj i nazirajecca na praciahu ŭsiaho pieryjadu raźliku hetych pakazčykaŭ».
U jakaści asnoŭnych pryčyn u hałoŭnym banku krainy vydzialajuć «siezonnyja faktary» — vykanańnie raźlikaŭ u zamiežnaj valucie pa abaviazacielstvach minułaha hoda, a taksama tradycyjnaje padzieńnie abjomaŭ valutnaj vyručki, što pastupaje ŭ krainu, na fonie vysokaj patreby ŭ valucie dla raźlikaŭ za enierhanośbity.
Sapraŭdy, kožny luty abjom zołatavalutnych reziervaŭ padaje ŭ paraŭnańni sa studzieniem, ale papiarednija hady ličby źnižeńnia byli našmat mienšymi. 2010 hod - $380 miljonaŭ, 2009 - $133 miljony, 2008 - $394 miljony.
Akramia taho, pavodle źviestak Nacbanka, u studzieni 2011 hoda na abjom reziervaŭ dadatkovy niehatyŭny ŭpłyŭ akazali padzieńnie cen na kaštoŭnyja mietały na suśvietnych rynkach, a taksama adnaŭleńnie bankami valutnych pazicyj, jakija skaracilisia ŭ
U svaju čarhu, čysty popyt nasielnictva na zamiežnuju valutu ŭ studzieni, jak i čakali ŭ Nacbanku, prykmietna skaraciŭsia i skłaŭ kala 57 młn. dołaraŭ ZŠA ŭ paraŭnańni z 649 młn. dołaraŭ ZŠA ŭ śniežni 2010 hoda.
«Najaŭny ŭzrovień reziervaŭ źjaŭlajecca dastatkovym dla vyrašeńnia pryjarytetnaj zadačy
Nacbank płanuje, što rost mižnarodnych reziervovych aktyvaŭ u 2011 hodzie składzie nie mienš čym 1,2 młrd. dołaraŭ ZŠA. Asnoŭnymi faktarami takoha rostu pavinny stać pryciahnieńnie pramych zamiežnych inviestycyj na čystaj asnovie ŭ pamiery 6,4–6,5 młrd. dołaraŭ ZŠA, a taksama vyraŭnoŭvańnie situacyi ŭ źniešnim handli tavarami i pasłuhami za košt pavyšeńnia efiektyŭnaści i kankurentazdolnaści nacyjanalnaj ekanomiki.
Za 2010 hod zołatavalutnyja reziervy Biełarusi źnizilisia amal na 622 młn. dołaraŭ, ci 11%,i na 1 studzienia 2011 hoda skłali 5 młrd. 30,7 młn. dołaraŭ. Pryčym aktyvy ŭ zamiežnaj valucie skaracilisia jašče bolš katastrafična.
Najvyšejšy ŭzrovień zołatavalutnych reziervaŭ byŭ dasiahnuty ŭ krasaviku 2010, kali pakazčyk skłaŭ $6,073 miljarda. Z taho času nazirajecca pastajannaje padzieńnie, za vyniatkam vieraśnia-kastryčnika 2010.
Ciapierašni ŭzrovień - najnižejšy z kastryčnika 2010 hoda. Cikava, što
pierad pačatkam suśvietnaha finansavah kryzisu, jaki pačaŭ uździejničać na biełaruskuju ekanomiku ŭvosień 2008 hoda, zołatavalutnych reziervaŭ było pryblizna stolki ž, kolki i zaraz, kala čatyroch z pałovaj miljardaŭ dalaraŭ.
Varta adznačyć, što ŭzrovień zołatavalutnych zapasaŭ u Biełarusi ŭ praporcyi da VUP zastajecca adnym z najnižejšych u Jeŭropie. Jon vyšejšy navat u biednaj Małdovie.
Valutnyja zapasy — heta svajho rodu paduška biaśpieki dla ekanomiki. MVF rekamienduje, kab jany składali nie mienš za vartaść 3-miesiačnaha abjomu impartu krainy. Miž tym biełaruskija reziervy skurčylisia da pamieru miesiačnaha abjomu impartu ź nievialikim.Naprykład, pamier biełaruskaha impartu za listapad 2010 hoda skłaŭ $3,77 miljarda, a za vierasień-listapad - bolš za $10 miljardaŭ. Zapas, nahadajem, składaje 4,34 miljarda.
Apošni raz biednaść valutnych zapasaŭ Biełarusi dała pra siabie znać u lipieni, u časie hazavaha kanfliktu z Rasiejaj, kali kraina elemientarna nie mieła svabodnych hrošaj, kab raspłacicca pa rasiejskich patrabavańniach. Tady vyručyŭ Azierbajdžan, jaki zrabiŭ dla našaj krainy terminovuju pazyku.
Imklivaje padzieńnie reziervaŭ nie aznačaje bankructva. Na hrebni finansavaha kryzisu 2008 hoda jany byli na nižejšym uzroŭni. Ale situacyja vymahaje terminovych antykryzisnych mieraŭ.Možna čakać novych abmiežavańniaŭ na valutnym rynku i dalejšych sprobaŭ abmiežavać impart.
