Polski lidar Branisłaŭ Kamaroŭski płanuje adpravicca ŭ Katyń 3 krasavika, da71-j hadaviny rasstrełu aficeraŭ vojska Polskaha pad Smalenskam, kab ušanavać ich pamiać.
Jaho papiarednik Lech Kačyński zahinuŭ za hod da taho — prezidencki łajnier z delehacyjaj pradstaŭnikoŭ kiraŭnictva Polščy, jakija nakiroŭvalisia na žałobnyja mierapryjemstvy ŭ Katyń, raźbiŭsia pad Smalenskam 10 krasavika.
U katastrofie nichto z 96 pasažyraŭ i členaŭ ekipažu nie vyžyŭ.
Pa słovach daradčyka ciapierašniaha prezidenta Tomaša Nalenča, Kamaroŭski prybudzie ŭ Katyń razam sa svajakami rasstralanych aficeraŭ. Daradca padkreśliŭ, što mienavita 3 krasavika 1940 hoda pačalisia rasstreły.
«Trahiedyja ŭ Smalensku zasłaniła saboj tyja [pamiatnyja] mierapryjemstvy i z 10 krasavika pra ich nie kazali. Tamu prezident choča ŭšanavać pamiać achviaraŭ Katynskaj trahiedyi, — zajaviŭ Nalenč. — U tym liku — dla taho, kab vykanać katynskuju misiju «, pierapynienuju smalenskaj katastrofaj».
