U Jehipcie sotni tysiač ludziej na Płoščy 22

Apošnija dni Chośni Mubaraka? Jehipieckaja apazicyja arhanizavała «Marš miljonaŭ» u Kairy, Aleksandryi i Suecy.

Płošča Ach-Tachryr apoŭdni daylfe.com

Płošča Ach-Tachryr u Kairy, 1 lutaha.

Płošča Ach-Tachryr u Kairy, 1 lutaha.

Płošča Ach-Tachryr u Kairy, 1 lutaha.

Płošča Ach-Tachryr u Kairy, 1 lutaha.

Tviter-paviedamleńni ad karespandentaŭ anhłamoŭnaha kanała «Al-Džazira».

Pavodle słovaŭ žurnalista «Bi-bi-si», siońniašniaja akcyja pratestu, u adroźnieńnie ad papiarednich, dobra arhanizavana. «Tut asobnyja čerhi dla mužčyn i žančyn. Usich, chto ŭvachodzić na Płošču, praviarajuć. Stajać vajskovyja patruli.

Ludzi pišuć słohany na kardonie, fatahrafujucca i śpiavajuć.

Siońnia ludziej značna bolš, čym raniej», — paviedamiŭ śviedka.

Praktyčna adnačasova z tym, jak na płoščy ŭžo sabrałasia vializnuju kolkaść ludziej, prem'jer-ministr Turcyi Redžep Taip Erdahan

zaklikaŭ kiraŭnika Jehipta Chośni Mubaraka prysłuchacca da patrabavańniaŭ demanstrantaŭ, jakija chočuć jaho adstaŭki.

«Mubaraku varta prysłuchacca da mierkavańnia hramadzian Jehipta», — skazaŭ Erdahan. Jon taksama zajaviŭ, što takija prablemy varta vyrašać pry dapamozie «vybarčaj skryni».

Hołas Erdahana — demakratyčna abranaha kiraŭnika musulmanskaj krainy — byŭ taksama hołasam zachadu. Zachad čakaje ad Jehipta mirnaha pierachodu da demakratyi.

Ludzi pačali ściakacca na centralnuju płošču Kaira, płošču Tachryr (Vyzvaleńnia), ad samaha ranku. Spačatku apazicyja mierkavała prajści da prezidenckaha pałaca, ale paśla admoviłasia ad hetaj idei. Jana choča pradoŭžyć psichałahičny cisk, ale nie raspačynać cisk fizičny.

Pierałomnym momantam u pratestach byŭ paniadziełak.

U paniadziełak armija apublikavała, a dziaržaŭnyja ŚMI vymušana raspaŭsiudzili aficyjnaje paviedamleńnie, što vojska nie budzie ŭmiešvacca. «Uzbrojenyja Siły, pryznajučy zakonnyja pravy naroda, zajaŭlajuć vialikamu narodu Jehipta, što jany nie ŭžyvali i nie buduć užyvać siły suprać jehipieckaha naroda».

Manifiestanty i mižnarodnaja supolnaść adčytali heta jak žest padtrymki manifiestantaŭ Uzbrojenymi siłami.

Jehipieckaje dziaržaŭnaje telebačańnie praciahvaje strašyć ludziej biesparadkami i hvałtam, paŭtorym kryvavych padziej minułaj piatnicy. Ułady pierakryli čyhunačnaje i aŭtobusnaje złučeńnie z Kairam, ale heta, zdajecca, maksimum, što jany byli zdolnyja rabić. Armija kantraluje centr Kaira, ale nie pieraškadžaje demanstrantam źbiracca. Armiejskija błokpasty razam z družyńnikami apazicyi adno što abšukvajuć ludziej na ŭvachodach na Płošču z tym, kab nichto nie pranios vybuchoŭki.

Pa stanie na 15.00 na Płoščy i prylehłych vulicach sabralisia sotni tysiač ludziej. Scenar dziejańniaŭ apazicyi nieviadomy,

ale mnohija čakajuć, što hety aŭtorak stanie kancom 30-hadovaha kiravańnia Chośni Mubaraka.

82-hadovy Chośni Mubarak kiravaŭ Jehiptam amal 30 hadoŭ. Heta byŭ miakki aŭtarytarny režym, u čymści padobny da biełaruskaha. Mubarak abapiraŭsia na finansavuju padtrymku ZŠA. Heta byli «hrošy ŭzamien za mir» — mir ź Izrailem.

Pratesty ŭ Kairy pačalisia pad upłyvam tuniskaj revalucyi. U pieršy dzień pratestaŭ palicyja zatrymała niekalki socień manifiestantaŭ. Čaćviorty dzień pratestaŭ pieratvaryŭsia ŭ kryvavuju piatnicu: zahinuli nie mienš za 73 asoby, sotni paranieny. Ale ŭ vyniku nastojlivych pratestaŭ apazicyi ŭdałosia pieravabić na svoj bok armiju i sudziejski korpus.

Lidar apazicyi, były kiraŭnik MAHATE Machamied al-Baradei zajaviŭ, što apazicyja raspačnie pieramovy z uładami tolki paśla taho, jak Mubarak pakinie krainu.

Mnohija ekśpierty ličać, što ŭ vypadku padzieńnia jehipieckaha aŭtakrata arabski śviet čakaje chvala demakratyčnych revalucyj.

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH