Supierbabula Mamika 1

Francuzski fatohraf zrabiŭ sieryju fota svajoj babuli ŭ vobrazie supierhieroja, kab dapamahčy joj adoleć depresiju.

Niekalki hadoŭ tamu francuzski fatohraf Saša Holdbierže zaŭvažyŭ, što jaho 91-hadovaja babula Frederyka adčuvaje siabie samotnaj i pryhniečanaj. Kab padbadzioryć jaje, jon prapanavaŭ zrabić sieryju niezvyčajnych fatahrafij u kaściumie supierhieroja. Babula nieachvotna pahadziłasia, ale jak tolki jany pačali ŭvasablać vobraz, jana natchniłasia idejaj i nie pierastavała ŭśmichacca.

Frederyka naradziłasia ŭ Budapiešcie za 20 hadoŭ da Druhoj suśvietnaj vajny. Padčas vajny, u časy pieraśledu habrejskaha naroda, ryzykujučy svaim žyćciom, jana vyratavała žyćci dziesiaci čałaviek. Pieražyŭšy nacyzm i kamunizm, jana imihravała ź Vienhryi ŭ Francyju, vymušanaja kamunistyčnym režymam pakinuć svaju radzimu niezakonna abo znachodzicca pad pahrozaj śmierci.

Paśla niečakanaha pośpiechu hetaha prajektu, nazvanaha Mamika, Holdbierže stvaryŭ staronku na MySpace dla svajoj babuli. Ciapier u jaje bolš za 2 200 siabroŭ, i jana atrymlivaje paviedamleńni kštałtu «Vy — babula, pra jakuju ja maryŭ» i «ja spadziajusia być padobnym da Vas u staraści».

0

0

0

0

0

0

lookatme.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH