Pra heta były kandydat u prezidenty zajaviŭ u inter'viu «Narodnaj Voli».
«Nam treba dobra razumieć, što ŭviadzieńnie Jeŭropaj i ZŠA u adnabakovym paradku sankcyj, asabliva ekanamičnych, suprać Biełarusi niepaźbiežna pryviadzie — i častkova ŭžo pryviało — da bolšaj zaležnaści ad Rasii, miarkuje V. Rymašeŭski.
Razam z tym, były kandydat u prezidenty ad BCHD zaznačaje, što treba ŭličvać toje, što za kratami znachodziacca bolšaść niezaležnych lidaraŭ demakratyčnych siłaŭ, praciahvajucca represii ŭ dačynieńni niezaležnych demakratyčnych ruchaŭ Biełarusi, žurnalistaŭ.
«Uviadzieńnie sankcyjaŭ — vielmi balučy ŭdar dla ŭłady,
Takim čynam my stanovimsia pierad vybaram:
achviaravać niezaležnaściu ci achviaravać svabodaj, mahčyma zdaroŭjem i žyćciom, usiaho niekalkich čałaviek».
Sustaršynia arhkamiteta pa stvareńni BCHD zaznačaje, što «da tych časoŭ, pakul choć adzin čałaviek budzie znachodzicca za kratami, kožny palityk, jaki siońnia vykazvajecca suprać uviadzieńnia ekanamičnych sankcyj, pavodzić siabie amaralna. Kali narod, a ŭ našym vypadku, demakratyčnaja elita, a značyć, tyja, chto musić nieści alternatyvu isnujučamu režymu, pieradusim kaštoŭnasnuju, buduć dziejničać tymi ž srodkami, kiravacca tymi ž kaštoŭnaściami, što i ŭłada, to ŭ Biełarusi nie budzie navat małoha šanca na źmieny da lepšaha».
