ZŠA dajuć biełaruskim uładam niekalki dzion, kab adpuścić zatrymanych padčas akcyi pratestu ŭ Miensku. U inšym vypadku buduć adnoŭlenyja sankcyi ŭ poŭnym maštabie.
Pra heta, jak paviedamlaje «Interfaks», zajaviła ŭ Vilni pradstaŭnica Dziarždepartamienta ZŠA Nensi MakEłdani: «Kali aryštavanyja nie buduć vyzvalenyja vielmi chutka, u nas nie budzie inšaha vyjścia, jak ličyć ich palitźniavolenymi. A heta budzie aznačać, što znoŭ buduć uviedzienyja sankcyi, dziejańnie jakich było prypynienaje». Na pytańnie ŭdakładnić — jak chutka takoje moža zdarycca — amierykanskaja čynoŭnica adkazała: «Heta pytańnie niekalkich dzion».
Jana taksama ŭdakładniła, što ŭ adnosinach kiraŭnictva Biełarusi ZŠA i Jeŭrasajuz buduć pravodzić uzhodnienuju palityku.
0
0
0
0
0
0