Supracoŭniki KDB 11 studzienia praviali vobysk u domie homielskaj žurnalistki člena Biełaruskaj asacyjacyi žurnalistaŭ Łarysy Ščyrakovaj, jakaja supracoŭničaje z šeraham niedziaržaŭnych ŚMI.
Jak paviedamiła Ščyrakova, padčas vobysku byli kanfiskavany dva stacyjanarnyja kampjutary, noŭtbuk, dyktafon, zapisnyja knižki, prykładna 150 DVD. «Zabrali navat kłavijatury, kampjutarnyja myški,
Pavodle jaje słoŭ, vobysk pravodzili supracoŭniki KDB Juryj Kazarez, Hienadź Biełkaviec, Uładzimir Dubinin i Michaił Astapienka na padstavie pastanovy prakuratury Minska ŭ miežach kryminalnaj spravy ab masavych biesparadkach 19 śniežnia.
«Jakoje dačynieńnie da mianie majuć padziei ŭ Minsku, kali ja tam nie była? Ja aśviatlała vybarčuju kampaniju, sustrečy kandydataŭ u prezidenty z hamialčanami. Hety vobysk — pomsta mnie za prafiesijnuju dziejnaść, zapałochvańnie», — ličyć Ščyrakova.
Žurnalistku vyklikajuć 12 studzienia na dopyt va UKDB. Na hety dzień pryznačany dopyty šmatlikich demakratyčnych aktyvistaŭ Homiela. U pryvatnaści, u KDB vyklikany staršynia abłasnoj arhanizacyi ruchu «Za Svabodu» Piotr Kuźniacoŭ, miascovy lidar niezaležnaha prafsajuza Viktar Kazłoŭ, aktyvisty pa stvareńni partyi «Biełaruskaja chryścijanskaja demakratyja» Arciom Chmialnicki i Aleś Sivakoŭ.
11 studzienia supracoŭniki KDB praviali taksama vobysk u aktyvista BCHD Juryja Klimoviča. Na minułych vybarach jon byŭ davieranaj asobaj kandydata ŭ prezidenty Vitala Rymašeŭskaha. Padčas vobysku ŭ Klimoviča zabrali kampjutar, drukavanuju pradukcyju, u pryvatnaści ahitacyjnyja ŭlotki Rymašeŭskaha. 18 śniežnia Klimovič byŭ zatrymany ŭ Homieli supracoŭnikami milicyi, abvinavačany ŭ niecenzurnaj łajancy i pakarany
Juryj Klimovič — syn palityčnaha viaźnia Ryhora Klimoviča, adnaho z kiraŭnikoŭ Narylskaha paŭstańnia ŭ 1953 hodzie, aŭtara himna paŭstałych źniavolenych «Nie strašnyja nam tyranstvy balšavizmu», knihi «Kaniec Harłaha», aktyŭnaha ŭdzielnika antysavieckaha supraciŭleńnia.
