Idzie pieratrus u kvatery jurysta prafsajuza REP Žanny Zapryvarynaj.
10 studzienia prajšoŭ pieratrus u ofisie Homielskaha pradstaŭnictva Abjadnanaj hramadzianskaj partyi (AHP). U hetym ža ofisie pravodziŭ jurydyčnyja kansultacyi pravavy inśpiektar niezaležnaha prafsajuzu REP Leanid Sudalenka. Razam z technikaj, jakaja naležyć AHP, byli kanfiskavali dva prafsajuznyja kamputary, śpis členaŭ REP pa Homielskaj vobłaści i mabilny telefon adnaho z členaŭ prafsajuza, jaki pryjšoŭ na pryjom da jurysta.
Pieratrus pravodziŭ daznaŭca UKDB pa Homielskaj vobłaści major Vasil Marynič i jašče 8 supracoŭnikaŭ Kamiteta. Sankcyja była dadziena prakuroram horada Mienska ŭ miežach rasśledavańnia spravy ab masavych biesparadkach. Pieratrus praciahvaŭsia 6 hadzin — z 11 da
«U mianie kanfiskavali noŭtbuk, — raspavioŭ Leanid Sudalenka. — Supracoŭniki KDB pryjšli, kali ja hutaryŭ z dvuma členami našaha prafsajuza. Pakul pieratrus nie skončyŭsia, ich nie vypuścili. Telefanavać zabaranili. Kali adzin z chłopcaŭ pasprabavaŭ patelefanavać, telefon zabrali, dy tak i nie viarnuli. Zabrali kamputary, a jašče elektronnyja nośbity infarmacyi i niekatoryja dakumienty. Darečy, pryjšli sa svaimi paniatymi — Juryjem Žytnikam i Jaŭhienam Karpavym. U mianie zabrali śpis členaŭ prafsajuza pa Homielskaj vobłaści. Ja juryst, tamu nie prosta aburaŭsia, a arhumientavana tłumačyŭ, što ŭ ich niama prava zabirać prafsajuznyja dakumienty.
U adkaz jany tolki śmiajalisia,
maŭlaŭ, pišycie skarhi».