«Nam patrebnaja padtrymka i salidarnaść dziela vyzvaleńnia palitviaźniaŭ i abviaščeńnia novych vybaraŭ u Biełarusi».
Pra heta zajavili ŭ Prazie biełaruskija apazycyjnyja palityki
Praha — treciaja eŭrapiejskaja stalica, jakuju naviedvajuć biełaruskija palityki. Raniej była Vilnia i Varšava. Bližejšymi dniami jany nakirujucca ŭ Berlin i Brusel.
Kazulin: Abvinavačańni, jakija siońnia vystaŭlenyja zusim nia tyja, što mohuć być vystaŭlenyja paźniej — heta abvinavačańni ŭ zmovie z metaj antykanstytucyjnaha źviaržeńnia ŭłady. Heta inšyja artykuły i terminy. Kali my dapuścim, kab Biełaruś viarnułasia ŭ stalinskija časy, to ŭ centry Eŭropy budzie hieta i nastupnyja vybary ŭ Biełarusi projduć pad dułami aŭtamata i dubinkami specnazu, ci ich uvohule nia budzie».
Pavodle Alaksandra Kazulina, hałoŭnaje pytańnie ciapier — heta palitviaźni. Nielha dapuskać, kab palitviaźni stanavilisia pradmietam handlu, ich treba vyzvalić biez usialakich umovaŭ. Pakul jany nia buduć vyzvalenyja, usie cyvilizavanyja krainy i sumlennyja ludzi nie pavinny kantaktavać ź biełaruskim režymam, ličyć Alaksandar Kazulin.
Kazulin: «Pavinny pačacca słuchańni ŭ Eŭraparlamencie, a potym pasiedžańnie Rady ministraŭ zamiežnych spravaŭ EZ. My jak śviedki, jak ludzi, jakija majuć peŭny vopyt i dośvied, chočam danieści infarmacyju pra toje, što adbyvajecca ŭ krainie, a nie toje, što mohuć danieści pa dyplamatyčnych kanałach biełaruskija ŭłady».
Jon horka pažartavaŭ, što ŭ Biełarusi ŭ kryminalny kodeks ŭžo možna budzie uvieści artykuł, za jaki pahražaje kryminalny pieraśled — «kandydat na prezydenta»
Šuškievič: Padziei 19 śniežnia pakazali, što mit ab słabaj i raźjadnanaj biełaruskaj apazycyi, jaki panavaŭ na Zachadzie, — heta prapahanda. My chočam raźviejać mit pra toje, što Zachad dapamahaŭ Łukašenku vyjhrać vybary. Pačynajučy z 2006 hodu EZ pravodziŭ takuju palityku, jakija była nakiravanaja na «vychavańnie» Łukašenki i žadańnie zrabić z vaŭka vehietaryjanca. Hetaja palityka paciarpieła poŭny pravał. Apazycyja vyjhrała vybary i vyvieła na mirnuju demanstracyju 50–70 tysiačaŭ čałaviek, ale dziaržaŭnaja mašyna zrabiła pravakacyju i terarystyčnuju akcyju. Kali Zachad budzie praciahvać raniejšuju palityku, u nas niama nadziei na pieramohu. Z terarystami treba pastupać tak, jak z terarystami. Nijakaha vykupu za zakładnikaŭ. Pieramovy mohuć pačacca tolki tady, kali palitviaźni buduć vyzvalenyja».
Dačka źniavolenaha kandydata na prezydenta Ŭładzimiera Niaklajeva Jeva Niaklajeva ŭ emacyjnym zvarocie zaznačyła, što «19 śniežnia žach dla našaj siamji tolki pačaŭsia, i jon praciahvajecca dla nas i ŭsich siemjaŭ, čyje rodnyja znachodziacca ŭ turmie KDB. My tolki možam ujavić, jaki strašny cisk akazvajecca na ludziej, jakija znachodziacca ŭ turmie KDB. My sprabujem damahčysia, kab baćku pieraviali ŭ špital. Ale hetaha nia robiać, my strašna baimsia za baćku», — kaža Eva Niaklajeva.
Dačka
«Eŭropa pravodziła palityku ŭ dačynieńni da Biełarusi, jakaja hruntujecca na idei šeraj zony, šeraj dzirki. Jany začyniali vočy na toje, što adbyvałasia ŭ Biełarusi, na ŭsie parušeńnie pravoŭ čałavieka, i viali handal. Ale zaraz paśla taho, što adbyłosia, Eŭropa pavinna raźmiežavać biełaje i čornaje».
Viktar Ivaškievič, pradstaŭnik kandydata na prezydenta Andreja Sańnikava, adznačyŭ, što «kanvejer KDB praciahvaje pracavać, i zadača pastaŭlenaja, kab praź jaho prajšli ŭsie, chto byli na płoščy.
«Kala 100 tysiačaŭ dalaraŭ było sabrana salidarnymi ludźmi dla dapamohi paciarpiełym. Chvala salidarnaści daje nadzieju, tamu asnoŭnaje patrabavańnie hramadztva da apazycyjnych palitykaŭ, kab my abjadnalisia. Učora taki kaardynacyjny kamitet byŭ stvorany Jahonyja zadačy — damahčysia vyzvaleńnia palitviaźniaŭ, prainfarmavać pra toje, adbyłosia na vybarach i paśla ich, i treciaje — damahčysia novych vybaraŭ. Treba kab biełarusy adčuvali mižnarodnuju salidarnaść».
Sustaršynia kampanii «Za svabodnyja vybary» Siarhiej Kalakin zajaviŭ, što Alaksandar Łukašenka nie pieramoh u pieršym tury, a jahonyja supierniki razam nabrali bolš hałasoŭ čym jon.
«Siońnia Łukašenka nie atrymaŭ pałovu hałasoŭ vybarščykaŭ. pra heta śviedčać dadzienyja
