Łukašenka nie pryjechaŭ u sabor, sustreŭsia ź Fiłaretam u vuzkim kole 49

Alaksandr Łukašenka siońnia nie pabyvaŭ u Śviata-Duchavym kafiedralnym sabory. U minułyja hady u dzień Rastva jon zaŭždy prysutničaŭ na śviatočnaj słužbie. Hetym ža razam jon uniknuŭ kantaktu z narodam.

Jak paviedamlaje pravasłaŭny partał sobor.by, Alaksandr Łukašenka pavinšavaŭ mitrapalita Fiłareta sa śviatam Naradžeńnia Chrystovaha ŭ nižnim prydziele chrama-pomnika Usich Śviatych, što na vulicy Kalinoŭskaha. Jak paviedamlajecca, Łukašenka i mitr. Fiłaret zapalili śviečki kala abraza Rastva, abmianialisia ścipłymi padarunkami — mitrapalit uručyŭ ikonu śviatoha Ivana Pradvieśnika, a Alaksandr Łukašenka — naprastolnaje Jevanhielle ŭ pazałočanym akładzie. Paśla hetaha jany parazmaŭlali za harbataj u administratyŭnym budynku pry chramie. Jak paviedamlaje partał, Alaksandr Łukašenka «otmietił vysokoje kačiestvo rabot po voźviedieniju chrama, pośviaŝiennoho pamiati vsiech bieźvinno ubijennych v Otiečiestvie našiem».

Pierad 6 studzienia paviedamlałasia, što Łukašenka naviedaje śviatočnuju słužbu. Niajasna, čamu jon źmianiŭ płany. Jon moh zbajacca abstrukcyi viernikaŭ. Paśla 19 śniežnia vialikaja hrupa pravasłaŭnych viernikaŭ vystupiła ź pietycyjaj, što asudžaje falsifikacyi na vybarach i paślavybarčy hvałt. Navat aficyjnaja hazieta Pravasłaŭnaj carkvy «Carkoŭnaje słova» apublikavała padborku listoŭ z krytykaj masavych aryštaŭ paśla 19 śniežnia.

Mikoła Buhaj

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH