Jak stała viadoma «Našaj Nivie», u subotu KDB praviało pieratrusyna kvaterach u Alaksandra Atroščankava,
Pryjšli ź pieratrusam i da maci redaktara sajta «Chartyja'97» Natalli Radzinaj, Nadziei. Zabrali kamputar. Sama Natalla ciapier znachodzicca ŭ SIZA.
U Minsku prajšoŭ vobšuk na kvatery kandydata ŭ prezidenty Alesia Michaleviča, a paśla ŭ jaho ŭ štabie. U jakaści paniatoha žonka aryštavanaha Michaleviča vyklikała ludziej ź siadziby BNF.
Taksama sakratarcy ofisa Abjadnanaj hramadzianskaj partyi patelefanavali z KDB i paprasili pryjechać adamknuć ofis dla pieratrusu.
Pieratrusy adbylisia i ŭ Salihorsku ŭ Paŭła Batujeva i inšych aktyvistaŭ nacyjanalnaha ruchu.
Zbolšaha kadebisty kanfiskoŭvali kamputary.
Siońnia ž prajšli dopyty kiraŭnikoŭ Partyi levych «Spraviadlivy śviet» Siarhieja Kalakina, Valera Uchnalova, Anatola Łaškieviča. Ich dapytvali ŭ jakaści śviedkaŭ pa spravie ab arhanizacyi masavych biesparadkaŭ. Paśla dźviuchhadzinnaha dopytu ich adpuścili. Ź ich uziata padpiska pra nierazhałošvańnie.
«Psichozam pravaachoŭnych orhanaŭ» nazvaŭ hetyja padziei kiraŭnik Biełaruskaha Chielsinkskaha kamiteta (BCHK) Aleh Hułak.
U miescach zboru dapamohi aryštavanym uviedzienyja pavyšanyja miery pieraściarohi.
Voś takoha typu ordery na vobšuk pradjaŭlali hebisty.