Pryznańni šerahu kandydataŭ u prezidenty, a taksama ich davieranych asob u «arhanizacyi i ŭdziele ŭ masavych biesparadkach 19 śniežnia», narabili šumu. Internaŭty adkazali na heta ŭłasnymi pakajalnymi listami. Što praŭda, u satyryčnaj formie.
Pryznańni šerahu kandydataŭ u prezidenty, a taksama ich davieranych asob u «arhanizacyi i ŭdziele ŭ masavych biesparadkach 19 śniežnia», narabili šumu. Internaŭty adkazali na heta ŭłasnymi pakajalnymi listami. Što praŭda, u satyryčnaj formie. Błohier l_u_f_t, naprykład, napisaŭ «zajavu» ŭ KDB, Ministerstva infarmacyi i Biełteleradyjokampaniju. U zajavie havorycca, što ŭviečary 19 sakavika, «znachodziačysia ŭ stanie afiektu, pad uździejańniem śpirtnych napojaŭ, a taksama budučy razharačanym čutkami ab supraćpraŭnych dziejańniach tak zvanaj «apazicyi» na płoščach h. Minska, ździejśniŭ niekalki sprobaŭ dostupu ŭ internet z metaj atrymańnia infarmacyi, jakaja moža nanieści škodu dziaržaŭnym intaresam Respubliki Biełaruś». Zajaŭnik pryznaje što abciažaryŭ svaju vinu tym, što traplaŭ na zabłakavanyja RUP «Biełtelekam» resursy ŭ abychod błakady. Praśviatleńnie i adčuvańnie «hłybini svajho maralnaha padzieńnia» nastupiła na ranicu, paśla prahladu repartažu na BT pra «biasčynstvy, što rabilisia na płoščy». U vyniku, błohier prosić prabačeńnia «jak u aficyjnych asobaŭ Respubliki Biełaruś, tak i ŭ maich kalehaŭ, internet-karystalnikaŭ, za takija svaje blizarukija pavodziny». Jon taksama spadziajecca, što jaho dziejańniam «budzie dadziena adpaviednaja pravavaja acenka z boku kampietentnych orhanaŭ Respubliki Biełaruś z ulikam dadzienaha mnoj čystasardečnaje raskajańnia, a taksama praviedzieny kompleks apieratyŭna-śledčych mierapryjemstvaŭ u dačynieńni da aznačanych internet-resursaŭ».
Błohier mojo-fm «pryznajecca», što ŭsie my «palivajem brudam radzimu i lubimuju ŭładu, davierylisia jak dzieci niejkim kuplenym Jeŭropaj resursam». Jon vykazvaje dumku, što padtrymka Łukašenki składaje navat nie 80%, a ŭsie 100. Što apazicyjnyja kandydaty taksama za Łukašenku, ale pajšli «suprać svaich pierakanańniaŭ». A praz heta ŭ ich stres. «Voś ułady im i arhanizavali lačeńnie ŭ lepšych sanatoryjach krainy. Z usimi mahčymymi pracedurami. A hramadzianie, što «vyjšli padtrymać Łukašenku», masava atrymali traŭmy ŭ vyniku hałalodu. «Traŭmy ciažkija, tamu paciarpiełym patrebny poŭny spakoj dzion na 10 minimum».
