Kijeŭ ličyć praźmiernaj siłu, užytuju da ŭdzielnikaŭ akcyi pratestu ŭ Biełarusi.
Ukraina zaniepakojenaja sutyknieńniami apazycyi z supracoŭnikami pravaachoŭnych orhanaŭ u Biełarusi, a taksama niepraparcyjnym užyvańniem siły da ŭdzielnikaŭ akcyi pratestu.
Pra heta zajavili ŭ MZS Ukrainy, pieradaje Interfaks.
«Vyklikaje zaniepakojenaść niepraparcyjnaje prymianieńnie siły da ŭdzielnikaŭ akcyi pratestu i žurnalistaŭ, sutyknieńni pradstaŭnikoŭ apazycyi ź siłami pravaparadku i zatrymańnie niekatorych kandydataŭ. Na dadzieny momant praviarajecca infarmacyja ab najaŭnaści siarod zatrymanych hramadzianaŭ Ukrainy», — paviedamiŭ dyrektar departamentu infarmacyjnaj palityki MZS Ukrainy Aleh Vałošyn.
Ukrainski bok budzie budavać svaje acenki vybarčaj kampanii ŭ Biełarusi na padstavie vysnovaŭ misii naziralnikaŭ ABSE.
«Kijeŭ zacikaŭleny ŭ dalejšym prahresie i kansalidacyi demakratyčnych kaštoŭnaściaŭ u Biełarusi, a taksama vystupaje za praciah dyjalohu z aficyjnym Mienskam», — zajaviŭ A. Vałošyn.
