I zaklikaje biełaruskija ŭłady spynić represii.
«Uładzimir Niaklajeŭ viadomy ŭ Polščy jak paet i vybitny pierakładčyk kłasičnaj polskaj paezii XVI—XIX st. My prymali paeta ŭ mnohich polskich haradach, u tym liku ŭ siadzibie Polskaha PEN-centra ŭ Varšavie, apošni raz u listapadzie hetaha hoda na prezientacyi jaho paemy «Pałanez», vydadzienaj na troch movach — biełaruskaj, litoŭskaj i polskaj», — havorycca ŭ zajavie.
«My zaklikajem biełaruskija ŭłady nieadkładna vyzvalić paeta i zabiaśpiečyć jamu miedycynski nahlad.
My zaklikajem taksama spynić žorstkija represii suprać aktyvistaŭ apazicyi, vybarščykaŭ, žurnalistaŭ i harantavać hramadzianskija svabody
ŭ imia ideałaŭ Mižnarodnaha statuta PEN-Centra, jaki abviaščaje: «PEN-Centr vystupaje za bieśpieraškodnaje vykazvańnie dumak u kožnaj krainie i pamiž usimi narodami, i jaho siabry abaviazvajucca vystupać suprać usich formaŭ pryhniečańnia svabody słova ŭ luboj krainie ci supolnaści, da jakoj jany naležać. PEN-Centr vystupaje za svabodu druku i suprać biezapielacyjnaj cenzury ŭ mirny čas, ćviorda ŭpeŭnieny ŭ tym, što niaŭchilnaje imknieńnie śvietu da najvyšejšych formaŭ palityčnaj i ekanamičnaj arhanizacyi patrabuje svabodnaj krytyki ŭładaŭ, arhanizacyj i ŭstanovaŭ».
Zajavu siońnia padpisali staršynia Polskaha PEN-Centra Adam Pamorski, namieśniki staršyni Pavieł Hiule i Eva Lipska.
