Łukašenka zabaraniŭ impartavać zubačystki 10

Impartazamiaščeńnie budzie adnym z asnoŭnych napramkaŭ ekanamičnaha raźvićcia Biełarusi ŭ budučaj piacihodcy. Pra zajaviŭ Alaksandr Łukašenka siońnia ŭ čas naviedvańnia SEZ «Minsk».

«Nie treba ŭvozić zubačystki», — skazaŭ Alaksandr Łukašenka.

Pavodle słoŭ kiraŭnika dziaržavy, jarkim prykładam efiektyŭnaha impartazamiaščeńnia źjaŭlajecca dziejnaść biełaruska-šviedskaha sumiesnaha pradpryjemstva «Bako Bisaŭ», jakoje źjaŭlajecca rezidentam SEZ «Minsk». Jano zarehistravana ŭ śniežni 2006 hoda, zasnavalnikami źjaŭlajucca šviedskaja kampanija «Bako Bisaŭ Śvienska Ej Bi» (98%) i biełaruskaje ZP «Bako instrumienty» (2%).

Sumiesnaje pradpryjemstva realizuje na terytoryi svabodnaj ekanamičnaj zony «Minsk» inviestycyjny prajekt «Budaŭnictva zavoda pa vytvorčaści bimietaličnych stužačnych pił». Jaho ŭźviadzieńnie było pačata vosieńniu 2008 hoda, i ŭ studzieni 2010 hoda zavieršany pieršy puskavy kompleks, jaki ŭklučaje administracyjna-bytavy i vytvorčy karpusy. Druhi etap budaŭnictva zavieršycca nie paźniej za 2012 hod.

SP «Bako Bisaŭ» maje ŭnikalnuju technałohiju i abstalavańnie dla vytvorčaści bimietaličnych stužačnych pił, anałahaŭ jakim niama ŭ krainach SND. Dziakujučy vysokaj jakaści, vyrablajemaja pradukcyja maje pastajanny popyt, jaje vykarystoŭvajuć u 130 krainach śvietu. Heta ekspartaaryjentavanaje SP źjaŭlajecca vysokatechnałahičnym i inavacyjnym.

Jak prainfarmavali kiraŭnika dziaržavy, niahledziačy na toje, što budaŭnictva zavoda prypała na razhar suśvietnaha ekanamičnaha kryzisu, nijakich zbojaŭ ź inviestycyjami nie było.

Alaksandr Łukašenka vysoka acaniŭ dziejnaść SP «Bako Bisaŭ» svabodnaj ekanamičnaj zony «Minsk».

Kiraŭnik dziaržavy taksama aznajomiŭsia ź dziejnaściu STAA «AluminTechna» i TAA «Alutech Inkarparejted».

0

0

0

0

0

0

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH