Pavodle jaho słoŭ, nieabchodna z novych pazicyj na hruncie nacyjanalna-dziaržaŭnaj ideałohii pahladzieć na ajčynnuju historyju ad staražytnaści da sučasnaści. Havorka ŭ tym liku idzie i pra formy dziaržaŭnaści, jakija isnavali na terytoryi Biełarusi na praciahu stahodździaŭ — ad Kijeŭskaj Rusi, Połackaha i Turaŭskaha kniastvaŭ, Vialikaha Kniastva Litoŭskaha, Rečy Paspalitaj i Rasijskaj impieryi da nacyjanalnych form dziaržaŭnaści, uklučajučy Biełaruskuju Narodnuju Respubliku, BSSR i Respubliku Biełaruś, skazaŭ navukoŭca. Uklučeńnie biełaruskich ziemlaŭ u skład Rasijskaj impieryi spyniła pałanizacyju, jakaja adbyvałasia ŭ časy Rečy Paspalitaj, što paspryjała kryštalizacyi biełaruskaha naroda i biełaruskaj nacyjanalnaj idei, jakaja pačała raźvivacca ŭ časy znachodžańnia Biełarusi ŭ składzie Rasijskaj impieryi, ličyć Daniłovič.
Vučony vykazaŭ spadziavańnie,
što na pačatku 2011 hoda vyjdzie ŭ śviet dvuchtomnaja kalektyŭnaja praca ajčynnych daśledčykaŭ «Historyja biełaruskaj dziaržaŭnaści. Kaniec XVIII — pačatak XXI stahodździaŭ»,
u jakoj praanalizavanyja pieradumovy farmiravańnia biełaruskaj nacyjanalnaj idei i etapy stanaŭleńnia biełaruskaj dziaržaŭnaści.
Pavodle jaho słoŭ, u suviazi z tym, što ŭ 2011 hodzie budzie adznačacca 20-hodździe Respubliki Biełaruś, kiraŭnictva navukovaj ustanovy razam z adździaleńniem humanitarnych navuk i mastactvaŭ NANB inicyjavała praviadzieńnie 29–30 červienia nastupnaha hoda mižnarodnaj navukovaj kanfierencyi «Respublika Biełaruś. 20 hod niezaležnaści». Płanujecca, što ŭ mierapryjemstvie voźmuć udzieł nie tolki historyki, ale i fiłosafy, ekanamisty, sacyjołahi, palitołahi, kulturołahi i inšyja zacikaŭlenyja śpiecyjalisty, što dazvolić usiebakova razhledzieć i praanalizavać najnoŭšuju historyju krainy, skazaŭ Daniłovič.
Padčas pres-kanfierencyi pracavała vystava navukovych vydańniaŭ — zbornikaŭ, manahrafij i encykłapiedyj pa temie «Biełaruskaja dziaržaŭnaść i vajennaja historyja ŭ daśledavańniach vučonych Nacyjanalnaj akademii navuk Biełarusi».
