A 17.30 u minskim Pałacy sportu musiła adbycca aŭtohraf-siesija pieršaj rakietki śvietu Karalin Vaźniacki i dziesiataj rakietki śvietu, biełaruski Viktoryi Azaranki. Na kort pastavili dva stały, ukrytyja ručnikami, pakłali na ich buklety i kalendary, na jakich zorki tenisu musili raśpisvacca.
Kali tenisistki vyjšli davać aŭtohrafy, da stałoŭ chłynuŭ natoŭp dziaciej i padletkaŭ. Try amonaŭcy, što sačyli za paradkam na korcie, ci to razhubilisia, ci to abyjakava pastavilisia da svaich funkcyj, adnak arhanizavać dziaciej nie zmahli. La tenisistak pačaŭsia chaos i ciskanina.
Viktoryja Azaranka dvojčy sprabavała zaklikać svaich prychilnikaŭ da paradku, ale jaje było drenna čutno za hrukatam pop-muzyki.
Urešcie tenisistki ŭstali i syšli.
Aŭtohraf-siesija ciahnułasia ŭsiaho chviliny dźvie,adznačajuć vidavočcy. Stosy kalendaroŭ zastalisia nie padpisanyja.
0
0
0
0
0
0