Pobač z praśpiektam Kasmanaŭtaŭ pustuje kinutaja vajskovaja častka. Paŭrazburanyja budyniny pryvablivajuć dziaciej
Fota Alaksieja Smalenskaha.
Fota Alaksieja Smalenskaha.
Fota Alaksieja Smalenskaha.
Prosta ŭ centry Hrodna, na terytoryi byłoj vajskovaj čaści chavajecca śmiartelnaja niebiaśpieka. Trapić siudy ni što nie pieraškadžaje. Płot amal abvaliŭsia, na miescy byłoha KPP tolki reštki ścien i bramy — možna prosta pierastupić. I kali darosły čałaviek zdolny adekvatna acanić i paźbiehnuć niebiaśpieki, to jość inšaja katehoryja ludziej, jakuju pryciahvaje ŭsio niaźviedanaje, cikavaje, niebiaśpiečnaje. Havorka idzie pra dziaciej.
Staryja karpusy i anhary pačali było raźbirać, dy tak i kinuli hetuju spravu i zaraz litaralna ŭ dvaccaci mietrach ad dvara žyłoha doma pa praśpiekcie Kasmanaŭtaŭ staić strašny budynak. Paŭrazburany dach ledź trymajecca, na praržaviełaj armatury visiać abłomki bietonnych plit pakryćcia, ścieny taksama ledź stajać, paškodžanyja pry abrušeńni. Usio heta nahadvaje vializnuju hiljacinu, nož jakoj hatovy sarvacca navat ad mocnaha paryvu vietru.
I chto viedaje, ci nie apyniecca pad im u hety momant čyjości dzicia? Toje, što dzieci tam pastajanna kruciacca, kaža vialikaja kolkaść «naskalnaha žyvapisu», vohniščaŭ i inšych atrybutaŭ, ułaścivych małaletnim harezam.
A jak tam nie švendacca? Miesca zahadkavaje, vakoł poŭna raznastajnaha śmiećcia, starych štučak, ruiny, pravały ŭ ścienach, sklapy.
Surjoznaść situacyi padkreślivajuć fotazdymki, zroblenyja na terytoryi kinutaj čaści.
