Staršynia Rady BNR Ivonka Surviła źviarnułasia z adkrytym listom da prezydenta Litvy Dali Hrybaŭskajte z nahody jejnaj zajavy pra pryjarytety Jeŭraźviaza na vybarach u Biełarusi.
Jak viadoma, dniami Reuters raspaŭsiudziła infarmacyju pra sustreču prezidenta Litvy z zachodnimi dyplamatami, akredytavanymi ŭ hetaj krainie. Pavodle ahiencyi, Dala Hrybaŭskajte zajaviła, štoAlaksandr Łukašenka źjaŭlajecca harantam palityčnaj i ekanamičnaj stabilnaści ŭ Biełarusi, a taksama jejnaj niezaležnaści. Tamu, na dumku litoŭskaha prezidenta, pieramoha ciapierašniaha kiraŭnika Biełarusi na vybarach, što majuć adbycca 19 śniežnia, była b najlepšym varyjantam dla Jeŭraźviaza.
Z hetaj nahody Staršynia Rady BNR Ivonka Survłła źviarnułasia z adkrytym listom.
Padajem tekst całkam.
«Vysokaja pavažanaja Spadarynia Prezydent.
Biełaruskaje hramadztva z tryvohaj uspryniało Vašuju biezumoŭnuju padtrymku Alaksandru Łukašenku jak prezydenckamu kandydatu, jaki, niahledziačy na dobruju volu Eŭraźviazu, nia tolki nie vykonvaje ŭmovy Eŭropy adnosna palityčnaha ładu i pravoŭ čałavieka ŭ Biełarusi, ale i ŭparta praciahvaje niščyć nacyjanalnyja vartaści biełaruskaha narodu.
Svaju pazycyju Vy, spadarynia prezydent, arhumentujecie žadańniem stabilnaści. Dazvolu sabie nahadać epizody ź niadaŭniaj historyi, jakija śviedčać, što salidarnaść prychilnikaŭ demakratyi moža mieć kudy bolš pazytyŭny vynik, čym žadańnie zachavać stabilnaść. U 1989 hodzie mienavita ŭ Vilni na zaprašeńnie tahačasnaha kiraŭnictva Litvy byŭ praviedzieny pieršy źjezd Biełaruskaha Narodnaha Frontu, jaki vyłučyŭ ideju adnaŭleńnia biełaruskaj Niezaležnaści. U studzieni 1991 hoda, kali Harbačoŭ vyrašyŭ uvieści ŭ Litvie „nadzvyčajnaje stanovišča“, kab źniščyć niezaležnaść Litvy, maskoŭskija vojski atakavali telecentar u Vilni, zahinuli mirnyja ludzi. Hetyja dziejańni Kreml tłumačyŭ u tym liku i nieabchodnaściu „zachavać stabilnaść“ ŭ savieckaj imperyi. U tyja dni Vilniu naviedała hrupa deputataŭ biełaruskaha parlamentu, i deputat frakcyi Narodnaha Frontu Siarhiej Navumčyk vystupiŭ ŭ litoŭskim parlamencie sa słovami salidarnaści i z zaklikam da členaŭ zamiežnych parlamenckich delehacyj nie pakidać budynak, pakul isnuje pahroza jahonaha šturmu. U tyja dni biełaruskija nacyjanalnyja siły tady padtrymali Litvu ŭ krytyčny dla jaje čas, nasupierak žadańniu Kramla. Nahadaju taksama, što ŭ toj čas šmat chto na Zachadzie byŭ schilny apraŭdać dziejańni Harbačova, jaki, jak im zdavałasia, byŭ harantam stabilnaści.
Historyja, adnak, rasparadziłasia
Prezydent Łukašenka źniavažyŭ nacyjanalnyja symbali, u Biełarusi vyniščajecca nacyjanalnaja kultura, začyniajucca biełaruskija škoły, pravodzicca tatalnaja rusyfikacyja — heta daje padstavy mierkavać, što ŭ svaim staŭleńni da biełaruskaj Niezaležnaści Łukašenka nie źmianiŭsia. I mienavita Łukašenka byŭ i zastajecca hałoŭnaj pahrozaj dla biełaruskaha suverenitetu.
Z pavahaj — Ivonka Surviłła, Staršynia Rady Biełaruskaj Narodnaj Respubliki».
