Namieśnik pamočnika dziaržaŭnaha sakratara ZŠA Denieł Raseł sustreŭsia ŭ Minsku z pradstaŭnikami apazicyi.
Na spatkańni prysutničali kandydaty Jarasłaŭ Ramančuk, Aleś Michalevič i Mikałaj Statkievič, a taksama Alaksiej Janukievič (ad Ryhora Kastusiova), Śviatłana Navumava (ad Uładzimira Niaklajeva), Źmicier Bandarenka (ad Andreja Sańnikava) i Pavieł Sieviaryniec (ad Vitala Rymašeŭskaha).
Sustaršynia BCHD Pavieł Sieviaryniec kaža, što asnoŭnaj temaj pieramovaŭ, naturalna, stali prezidenckija vybary.
«Sp.Raseł vykazvaŭ niezadavolenaść maleńkaj kolkaściu apazicyi ŭ składzie ŭčastkovych kamisij. Peŭnyja zruchi byli adznačanyja, ale pazicyja ZŠA praciahvaje zastavacca pryncypovaj, što da biełaruskich uład.
Jahonym ci nie hałoŭnym mesidžam było — naziralnikam treba dać mahčymaść realna sačyć za padlikam hałasoŭ. Heta i budzie test dla ŭładaŭ», — kaža P.Sieviaryniec.
Sam «chadek» padymaŭ pytańnie harantyj Paźniaku, uźniataje raniej Uładzimiram Niaklajevym, a taksama palitviaźniaŭ.
Denieł Raseł adznačyŭ, što ZŠA nie padtrymlivaje nivodnaha kandydata na hetych prezidenckich vybarach.
0
0
0
0
0
0
