U musulmanaŭ — Kurban-bajram + fota ź Iŭja 2

Kurban-Bajram u biełaruskich musulman nahadvaje chryścijanski Vialikdzień, belarus.by

Musulmanie Biełarusi i ŭsiaho śvietu 16–18 listapada adznačajuć važniejšaje relihijnaje śviata — Id al-Adcha (śviata achviaraprynašeńniaŭ), abo, jak nazyvajecca hety dzień u ciurkskich movach, Kurban-bajram.

Hetymi dniami spraŭlajucca rytuały achviaraprynašeńnia (kurban), uznosiacca śviatočnyja malitvy. Śviatkavańnie Kurban-bajrama zaviaršaje šmatliki chadž (pałomnictva) musulman usiaho śvietu da śviatyń u Miecy i Miedynie. Kulminacyjaj chadžu źjaŭlajecca tak zvanaje stajańnie na hary Arafat: tut, za 20 km ad Mieki, pavodle isłamskaha padańnia, sustrelisia Adam i Jeva. Mienavita adsiul Muchamied pramoviŭ svaju apošniuju kazań. Paśla stajańnia, jakoje doŭžycca da zachodu sonca, pačynajecca abrad simvaličnaha zakidvańnia satany kamianiami ŭ dalinie Mina. Vierniki kidajuć kamiani ŭ słupy, jakija simvalizujuć demanaŭ.

Zhodna z Karanam, Ałach źjaviŭsia da Aŭraama ŭ śnie i zahadaŭ jamu prynieści ŭ achviaru svajho pieršynca Izmaiła. Aŭraam adpraviŭsia ŭ dalinu Mina da taho miesca, dzie ciapier staić Mieka, i pačaŭ padrychtoŭku. Ale Boh, ubačyŭšy rašučaść praroka, źlitavaŭsia, i zamiest Izmaiła ŭ achviaru było pryniesiena jahnia.

Śviata, takim čynam, nahadvaje ab litaści Usiavyšniaha i ab tym, što viernaść Bohu — samaja lepšaja achviara.

0

0

0

0

0

0

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH