Dziaržaŭnaje telebačańnie Irana pakazała zajavu Aštyjani — žančyny, prysudžanaj da źbićcia kamianiami za šlubnuju zdradu.U siužecie taksama vykazvajucca syn žančyny i jaje advakat.
— Ja — hrešnica — kaža žančyna, nazyvanaja Aštyjani, u efiry iranskaha telebačańnia. Tvaru žančyny amal nie było vidać, i hołas byŭ nie jaje. U efiry patłumačyli, što heta pierakład zvarotu na azierbajdžanskaj na movu farsi.
Akramia Aštyjani ŭ siužecie pakazanyja dvoje mužčyn. Adzin nazyvajecca synam asudžanaj, druhi — jaje advakatam. Abodva byli aryštavanyja ŭ minułym miesiacy.
U roliku syn Aštyjani kaža, što jon chłusiŭ žurnalistam, zajaviŭšy, što jaho maci katavali ŭ turmie.Vinu za takija svaje pavodziny jon uskładaje na advakata maci: «Jon skazaŭ mnie, što jaje katavali. Na žal, ja pavieryŭ jamu i zmaniŭ zachodnim ŚMI», — kaža syn asudžanaj.
Praz hod jana była abvinavačanaja ŭ šlubnaj zdradzie i prysudžanaja da źbićcia kamianiami,niahledziačy na toje, što potym jana admoviłasia ad raniejšych pakazańniaŭ, śćviardžajučy, što ŭ turmie jaje katavali.
Rašeńnie suda vyklikała abureńnie va ŭsim śviecie, u abaronu iranki vykazvałasia, u pryvatnaści, pieršaja łedzi Francyi Karła Bruni. Ciapier spravu razhladaje iranski Viarchoŭny sud.
0
0
0
0
0
0
