Zatrymanyja siońnia ŭ Minsku aktyvisty hramadzianskaj kampanii «Havary praŭdu!» Raman Bahdanovič i Michaił Paškievič adpuščany na volu.
Jak paviedami Paškievič, u Centralnym RUUS Minska, kudy ich dastavili, byli składzieny «pratakoły hutarki».
Adnak administracyjnych spraŭ u dačynieńni da aktyvistaŭ raspačynać nie stali. U milicyi zatrymanyja praviali krychu bolš za hadzinu.
Razam z tym, milicyja admoviłasia viartać aktyvistam kanfiskavanyja ŭ ich nalepki. «Centralny RUUS faktyčna vykraŭ u mianie pryblizna 20 nalepak biez składańnia pratakoła», — zajaviŭ Paškievič, rastłumačyŭšy, što kanfiskacyi pavinny afarmlacca naležnym čynam.
Aktyvisty hramadzianskaj kampanii «Havary praŭdu!» Raman Bahdanovič i Michaił Paškievič byli zatrymany milicyjaj 15 listapada pryblizna ŭ 13.00 padčas niesankcyjanavanaj akcyi kala staličnaha HUMa. Jany pravodzili
Padčas akcyi try jaje ŭdzielniki nadziavali na śmietnicy čornyja pakiety, źvierchu rabili proraź dla śmiećcia i naklejvali na pakiety nalepki z nadpisam:
«Chavać treba śmiećcie, a nie hałasy. Vybary pavinny być prazrystymi». Taksama na nalepcy byli dźvie piktahramy: na pieršaj čałaviek vykidaje śmiećcie ŭ skryniu dla śmiećcia, a druhi — apuskaje biuleteń u skryniu dla hałasavańnia.
Akcyja, pavodle słoŭ jaje ŭdzielnikaŭ, była prymierkavana da vizitu ŭ Minsk jeŭrakamisara Štefana Fiule.