Adpaviedny ŭkaz № 569 Alaksandr Łukašenka padpisaŭ 5 listapada, paviedamlaje
Dakumient udakładniaje asobnyja normy ŭkaza № 518 ad 23 listapada 2009 hoda ŭ metach adnaznačnaha ich prymianieńnia, jon taksama dazvolić źnizić sacyjalnuju napružanaść u pradprymalnickich strukturach, zaznačajecca ŭ paviedamleńni.
U pryvatnaści, ukazam praduhledžvajecca ŭdakładnieńnie paradku vyznačeńnia srodkaŭ, što padlahajuć upłacie ŭ biudžet arendadaŭcami handlovych miescaŭ na rynkach i handlovych abjektach u handlovych centrach.
Praduhledžana mahčymaść zdačy ŭ arendu nieruchomaj majomaści, jakaja znachodzicca ŭ respublikanskaj ułasnaści, biez praviadzieńnia aŭkcyjonu arendataru, jaki naležnym čynam vykonvaŭ svaje abaviazki pa raniej zaklučanym dahavory arendy.
Taksama źjaviłasia mahčymaść uliku niekampiensavanych sum pa dahavorach pazyki, zaklučanych da nabyćcia mocy ŭkaza ad 23 kastryčnika 2009 hoda № 518 i nie zavieranych nataryjalna, pry ŭstanaŭleńni pavyšajučych kaeficyjentaŭ da stavak arendnaj płaty, kali takija dahavory ŭličvalisia abłvykankamami i Minskim harvykankamam pry ŭzhadnieńni pavyšajučych kaeficyjentaŭ da arendnaj płaty.
Novym ukazam vyklučana prymianieńnie pavyšajučaha kaeficyjentu 3 da płoščaŭ, što arandujucca dla raźmiaščeńnia kiraŭnika, inšych orhanaŭ kiravańnia jurydyčnaj asoby abo bieź jaho adasoblenych padraździaleńniaŭ.
