Departamient palicyi Litvy 8 listapada paviedamiŭ, što nie znajšoŭ paćvierdžańniaŭ tamu, što zatrymany ŭ žniŭni hetaha hoda ŭ Biełarusi rotny kamandzir municypalnaj konnaj palicyi Litvy Łajmonas Bankaŭskas pieravoziŭ narkotyki, adnak abviaściŭ, što palicejski parušyŭ etyku.
«Z pryčyny, što ź Biełarusi nie pastupiła dadatkovaj infarmacyi, niama padstavaŭ śćviardžać, što Bankaŭskas ździejśniŭ złačynstva i pieravoziŭ narkotyki», — skazaŭ žurnalistam kiraŭnik Departamienta Upraŭleńnia ŭnutranych rasśledavańniaŭ Uhnius Čyžunas.
Pavodle jaho słovaŭ, padčas słužbovaha rasśledavańnia vyśvietlili, što
Bankaŭskas jeździŭ u Biełaruś za bolš tannym palivam, što mahło niehatyŭna adbicca na jaho imidžy i imidžy palicyi. Tamu padčas rasśledavańnia kanstatavali, što jon parušyŭ słužbovuju etyku.
Pa słovach Čyžunasa, heta nie pieršy vypadak, kali Bankaŭskas parušaje słužbovuju etyku. U dačynieńni da jaho pravodzili jašče čatyry słužbovyja pravierki.
«Prapanujecca pravieści pazačarhovuju atestacyju, padčas jakoj jaho pravierać na prafprydatnaść», — skazaŭ Čyžunas.
Dla abjektyŭnaj acenki zakonnaści dziejańniaŭ Bankaŭskasa i rasśledavańnia akaličnaściaŭ jaho zatrymańnia ŭ Biełarusi Departamient palicyi Litvy źviartaŭsia ŭ litoŭskuju Hienprakuraturu z prośbaj pradstavić usiu najaŭnuju infarmacyju pa spravie ab zatrymańni hetaha palicejskaha i źviarnucca ŭ Hienprakuraturu Biełarusi dla atrymańnia kopii kryminalnaj spravy.
Adnak biełaruskaja Hienprakuratura nijakich dakumientaŭ nie dała.
Abahulniajučy vyniki rasśledavańnia viersij, jakija tłumačać źjaŭleńnie narkotykaŭ u mašynie Bankaŭskasa, kanstatavali, što padčas rasśledavańnia biełaruskija pravaachoŭnyja orhany nie dali nijakaj infarmacyi, tamu niama padstavaŭ śćviardžać, što Bankaŭskas ździejśniŭ złačynstva (pieravoziŭ narkotyki). Niama taksama padstavaŭ śćviardžać, što Bankaŭskas viedaŭ pra toje, što ŭ jaho mašynie znachodziacca narkotyki. Padčas słužbovaha rasśledavańnia nie było atrymana abjektyŭnych dadzienych, jakija dazvalajuć vyśvietlić, chto moh pakłaści ŭ mašynu Bankaŭskasa narkotyki.
Padčas rasśledavańnia vyśvietliłasia, što aŭtamabilem Bankaŭskasa časta karystałasia vyśvietlenaja ŭ vyniku rasśledavańnia asoba (nie palicejski), u jakoha jośćAdnak infarmacyi ab tym, što hety čałaviek moh być źviazany ź pieravozkaj narkotykaŭ, nie atrymana.biznes-suviazi ŭ Biełarusi.
