U Biełarusi płanujecca vycieśnić sa spažyvieckaha rynku nienaturalnyja słabaałkaholnyja napoi i ardynarnyja pładovyja viny.
Pra heta zajaviŭ žurnalistam 2 listapada ŭ Minsku na adkryćci aptovaj
«My bolš zacikaŭleny ŭ vytvorčaści naturalnych ałkaholnych napojaŭ, tamu bolš vysokimi staŭkami akcyzaŭ abkładajucca słabaałkaholnyja napoi, u jakich faktyčna vykarystoŭvajuć tolki śpirt, vadu, aramatyzatary i farbavalniki, — padkreśliŭ Dančanka. —
Hetyja pradukty nie spryjajuć palapšeńniu zdaroŭja i nie prynosiać karyści».
Jon adznačyŭ, što niadaŭna pryniata rašeńnie ab pavyšeńni staŭki akcyzaŭ na takija słabaałkaholnyja napoi amal u try razy. «My naŭmysna vyciaśniajem z rynku takuju pradukcyju pry dapamozie akcyznaj palityki, hety pradukt stanie niekankurentazdolnym i prymusić našych vytvorcaŭ da vytvorčaści jakasnych naturalnych napojaŭ», — ličyć Dančanka.
Pavodle jaho słoŭ, u Biełarusi vyrablałasia kala 1 młn. dekalitraŭ nienaturalnych słabaałkaholnych napojaŭ, jakija składali «pieravažnuju dolu na rynku słabaałkaholnych napojaŭ». «Hetyja napoi raniej hałoŭnym čynam impartavalisia, a ŭ Biełarusi vielmi chutka biźnies pačaŭ vyrablać ich, bo heta nie patrabuje značnych raschodaŭ i nie aryjentavany na miascovuju syravinu», — rastłumačyŭ kiraŭnik kancerna.
Jon jašče raz adznačyŭ zacikaŭlenaść dziaržavy ŭ raźvićci vytvorčaści tych słabaałkaholnych napojaŭ, u jakich śpirt źjaŭlajecca ŭ vyniku naturalnaha zakisańnia, u tym liku sidry i piŭnych kaktejlach.
Pavodle słoŭ Dančanki, halinovaja prahrama raźvićcia ałkaholnaj haliny na najbližejšyja piać hadoŭ «skiravanaja ŭ tym liku i na spynieńnie ŭ Biełarusi vytvorčaści macavanych ardynarnych vin». Takija viny atrymlivajucca šlacham dabaŭleńnia ŭ krychu zabrodžany sok 12–15% śpirtu. «My płanujem da 2015 hoda pakinuć vytvorčaść palepšanych pładovych vinaŭ z bolšaj dolaj naturalnaha zakisańnia», — skazaŭ śpiecyjalist. Heta prahrama budzie ŭzhadniacca z vytvorcami, kiraŭnictvam abłaściej, Minhandlu i inšymi zacikaŭlenymi viedamstvami.