Centrvybarkam papiaredziŭ Niaklajeva 18

14 kastryčnika adbyłosia pasiedžańnie CVK, na jakim razhladalisia parušeńni, dapuščanyja inicyjatyŭnaj hrupaj Uładzimira Niaklajeva.

Kamisija pryznała zdiezjśnienymi nastupnyja parušeńni: pieradača paśviedčańniaŭ siabroŭ inicyjatyŭnaj hrupy inšym asobam, daterminovy raspaŭsiud ahitacyjnaj pradukcyi, atrymańnie ahitacyjnaj pradukcyi z-za miažy. Pry hetym spadarynia Jarmošyna zaznačyła, što za luboje z hetych parušeńniaŭ kandydata možna było zdymać z vybaraŭ, ale jak skazaŭ sakratar CVK,

M.Łazavik: «kali my zdymiem Niaklajeva, to heta budzie sumnaja kampanija». Takim čynam CVK abmiežavaŭsia papiaredžańniem.

Kiraŭnik štabu Niaklajeva, Andrej Dźmitryjeŭ, havoryć, što nie moža pahadzicca navat z takim rašeńniem kamisii: «Nivodny fakt, pavodle jakoha nam vynosili papiaredžańnie, nie byŭ dakumientalna paćvierdžany. U pravavoj dziaržavie usie abvinavačańni pavinny paćviardžacca. Nie było dokazaŭ taho, što kampanija Niaklajeva niejak źviazanaja z faktami, ahučanymi siońnia ŭ CVK.

Adsutničali naŭprostavyja dokazy».

Spadar Dźmitryjeŭ taksama paviedamiŭ, što u kampanii źbirajucca pravieści ŭnutranaje rasśledavańnie abvinavačvańniaŭ CVK i kali fakty pieradačy paśviedčańniaŭ siabra inicyjatyŭnaj hrupy buduć ustanoŭlenyja, to asoby, ja kija heta rabili, buduć vyklučanyja ź inicyjatyŭnaj hrupy Uładzimira Niaklajeva.

Kiraŭnik štabu kandydata zaznačyŭ, što na pačatku nastupnaha tydnia jany źbirajucca padavać u CVK skarhu na dziejańni inicyjatyŭnaj hrupy A.Łukašenki.

«My padadzim skarhu. U nas jość dokazy taho, što spadar Łukašenka pravodzić svaju kampaniju z parušeńniami.

Chaj kiraŭnik jaho štabu, A.Radźkoŭ, asabista patłumačyć usie pradastaŭlenyja nami fakty», — skazaŭ A.Dźmitryjeŭ.

Aleś Pilecki

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH