Varšaŭski sud užo druhi raz admoviŭ vaŭmoŭna-daterminovym vyzvaleńni z turmy hramadzianinu Biełarusi Siarhieju M., asudžanamu na piać z pałovaj hadoŭ turmy za špijanaž suprać Polščy.
U kancy vieraśnia akruhovy sud
Jak paviedamiŭ Polskamu presavamu ahienctvu sudździa Marcin Łachoŭski, sud ustalavaŭ, što praces pieravychavańnia pravaparušalnika idzie, ale jon usio adno pavinien zastacca na kratami. «Niama nijakich padstavaŭ dakładna śćviardžać, što paśla vyzvaleńnia jon nie ździejśnić złačynstva znoŭ», — dadaŭ sudździa.
Heta ŭžo druhaja admova ŭ vyzvaleńni M. (pieršaja była ŭ studzieni hetaha hoda). Advakat M. Mahdalena Biantkoŭska śćviardžaje, što jaje klijent zasłužyŭ daterminovaje vyzvaleńnie, bo maje vielmi dobruju reputacyju ŭ turmie. Juryst źbirajecca padać čarhovaje chadajnictva ciaham paŭhoda.
Sakretnaja infarmacyja pra Ministerstva zamiežnych spravaŭ Polščy
U vieraśni 2009 akruhovy sud u Varšavie paśla zakrytaha pracesu, što ciahnuŭsia z červienia 2008, asudziŭ
Siarhieja M. aryštavali ŭ Litvie ŭ listapadzie 2006 na prośbu polskaha boku, jaki potym zapatrabavaŭ jaho ekstradycyi. U 2007 litoŭski sud pahadziŭsia vydać M., jakoha vinavacili ŭ «špijanažy na karyść Biełarusi suprać Polščy», za što jamu pahražała ad adnaho da 10 hadoŭ turmy.
Siarhiej M. chacieŭ zavierbavać polskaha konsuła
Abviaščajučy prysud, sudździa Piotr Šab pryznaŭ biassprečnymi dokazy abvinavaŭčaha boku. U 2005 u Minsku M. prapanavaŭ hramadzianinu Polščy Kšyštafu H. (pavodle «Palityki», tahačasnamu konsułu Polščy ŭ Biełarusi) za hrošy pracavać na karyść biełaruskaj raźviedki. Siarhiej M. chacieŭ atrymać ad H. śpis supracoŭnikaŭ polskaha MZS, numary ich pracoŭnych telefonaŭ, śpis ludziej, jakija jeduć u dypłamatyčnyja misii, padrabiaznaści pra tajemnyja słužby MZS razam ź imionami ich supracoŭnikaŭ i płanami pamiaškańniaŭ, a taksama dakumienty polskaha MZS, što datyčać Rasii i Biełarusi. Pavodle abvinavaŭčaha zaklučeńnia, M. razam z H. tajemna ŭstalavaŭ u MZS pryłady suviazi, a padčas sustreč u Prazie ŭ abmien na abiacańnie dać jamu patrebnuju infarmacyju zapłaciŭ H. $500 i 850 jeŭra.
M. śćviardžaŭ, što jon nievinavaty i źjaŭlajecca achviaraj pravakacyi Kšyštafa H. Advakat prasiła apraŭdańnia M., prakuror nastojvaŭ na abvinavaŭčym vyraku.
U 2009 štotydniovik «Palityka» paviedamiŭ, što litoŭskija i biełaruskija ŚMI zdabyli niekatoryja asabistyja dadzienyja hałoŭnaha polskaha śviedki, jakija mahli padvierhnuć jaho niebiaśpiecy. Pavodle dadzienych «Palityki», Kšyštaf H. byŭ supracoŭnikam polskaj raźviedki i «śviadoma słužyŭ na raźviedvalnaje ŭpraŭleńnie ŭ jakaści «žyŭca». Pa dadzienych časopisa, pracujučy konsułam u Biełarusi, jon śpiecyjalna «pryvioŭ» M. u Vilniu, dzie toj byŭ aryštavany.
