Rasijskija miadźviedzi zahryźli minskaje «Dynama» 1

pressball.by

Minskaje «Dynama» ŭ trecim matčy hrupavoha turnira handbolnaj Lihi čempijonaŭ prajhrała «Čechaŭskim miadźviedziam» ź likam 27:34. Matč prajšoŭ u staličnym Pałacy sporta 7 kastryčnika (čaćvier).

9-razovy čempijon Rasii «Čechaŭskija miadźviedzi» — bazavy kłub zbornaj Rasii. Tamu možna skazać, što «Dynama» hulała faktyčna suprać zbornaj uschodniaj susiedki.

Sustreča była cikavaja i tym, što ŭ składzie padmaskoŭnaha kłuba hulaje były zbornik Siarhiej Harbok, jaki pryniaŭ rasijskaje hramadzianstva, kab hulać za Rasiju. Kožny dotyk jaho miača trybuny sustrakali hučnym śvistam.

U pieršym tajmie viałasia roŭnaja baraćba. «Dynama» vyryvałasia na try miačy (7:4, 14:11), ale miadźviedzi pastajanna dahaniali, adstajučy na miač-dva. Utrymać pieravahu minčanie nie zmahli, i na pierapynak kamandy pajšli pry liku 18:18.

Pravalnaj dla biełaruskaha kłuba akazałasia 2-ja pałova 2-ha tajma,

«Dynama» viało 26:24 (46-ja chvilina matča), a zatym prapuściła dziesiać miačoŭ zapar! 26:34.

U napadzieńni hulnia ŭ «Dynama» absalutna razładziłasia. Adsutnaść realizacyi momantaŭ pry vychadach adzin na adzin i prosta adsutnaść šancavańnia.

Za apošnija 15 chvilin 2 tajma «Dynama» zakinuła tolki adzin miač.

U vyniku 27:34.

Najlepšym u biełarusaŭ byŭ Barys Puchoŭski – 7 miačoŭ, Vital Kažanieŭski – 6, Dzianis Rutenka – 5, Pavał Aćman i Siarhiej Anufryjenka – pa 3, Remihius Čepulis – 2, Maksim Babičaŭ – 1.

Najlepšym u «miadźviedziaŭ» — Cimur Dzibiraŭ (8 miačoŭ), Siarhiej Harbok zakinuŭ adzin miač.

Za matčam nazirali 2 300 hledačoŭ, prysutničaŭ na trybunach hałoŭny trenier chakiejnaha «Dynama» Marek Sikora.

Stanovišča kamandaŭ paśla 3-ch turaŭ: Valjadalid — 5 bałaŭ (3 hulni), Čechaŭskija miadźviedzi — 5 (3), «Pik» — 2 (2), Dynama — 2 (3), Olbarh — 1 (2), Kadeten — 1 (3).

***

Nahadajem, što ŭ pieršym matčy ŭ Minsku «Dynama» prajhrała «Valjadalidu» — 30:35, a 2 kastryčnika vyjhrała ŭ vienhierskaha «Pika» — 33:29. Usie try matčy «Dynama» hulała doma, a ciapier dva matčy praviadzie na vyjeździe. 17 kastryčnika — suprać «Olbarha», a 21 kastryčnika — suprać šviejcarskaha «Kadetena».

Nastupny matč u Minsku projdzie 28 listapada. «Dynama» zhulaje suprać «Kadetena». Nastupny i apošni matč u stalicy Biełarusi projdzie ažno 27 lutaha (Olbarh).

***

Na paślamatčavaj pres-kanfierencyi trenier miadźviedziaŭ Uładzimir Maksimaŭ skazaŭ: «Hulnia była roŭnaj, dla nas dastatkova ciažkaj. Vynik — roźnica siem miačoŭ, ale heta atrmałasia ŭ kancy i za košt taho, što minskaja kamanda maładaja i šmat momantaŭ nie realizavała pry vychadach adzin na adzin. Kab była taja realizacyja, to lik byŭ inšym, i Minsk moh by vyjhrać».

Siarhiej Biabieška (Dynama): Ciažka niešta kazać, kali kamanda 50 chvilin bjecca z vopytnym supiernikam. Apošnija dziesiać chvilin było niešta nievierahodnaje. Ci to my kiepska kidali, ci to varatar supiernika dobra adstajaŭ. 60 chvilin zmahacca na roŭnych z kamandaj «Čechaŭskija miadźviedzi»- pakul nierealna. Chaču pavinšavać supiernika z zakonnaj pieramohaj.

Aleh Hardzijenka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH