Kiraŭnik Biełaruskaj sacyjał‑demakratyčnaj partyi «Narodnaja hramada» Mikałaj Statkievič maje padać dakumienty na rehistracyju inicyjatyŭnaj hrupy 24 vieraśnia.
Statkievič kaža, što nikoli nie mieŭ namier admaŭlacca ad udziełu ŭ prezidenckich vybarach. «Rašeńni ab maim udziele prymaŭ Kanhres demakratyčnych siłaŭ, a taksama partyjny źjezd», — zaznačaje M.Statkievič.
Najchutčej, što kiraŭnikom inicyjatyŭnaj hrupy Mikałaja Statkieviča budzie… Mikałaj Statkievič. Hetaje rašeńnie jon patłumačyŭ tym, kab nie padstaŭlać ludziej.
Pa słovach kandydata, tolki apošnim časam byli zvolnienyja z pracy try siabry partyi. Taksama pazbaviŭsia pracy ŭ Lidzie były palitviazień Siarhiej Skrabiec.
Na pytańnie ab kolkasnym składzie kamandy, Statkievič adznačyŭ, što dakładnaja kolkaść budzie viadomaja padčas zaniasieńnia papier u CVK. «Ale jana dastatkovaja, kab sabrać 100 tysiač podpisaŭ», — zaznačyŭ sacyjał‑demakrat.
0
0
0
0
0
0