Top-5 karysnych prystasavańniaŭ u aŭto 1

1. Inviertar

Chto vałodaje elektryčnaściu — vałodaje śvietam. Zvyčajnaj razietki nie chapaje kožnamu kiroŭcy ci pasažyru. Zaradzić mabilnik, uklučyć noutbuk ci maleńki televizar, navat zavaryć harbaty — usie hetyja dziejańni składana zrabić u sałonie mašyny. Dla tych, chto choča pieraŭtvaryć aŭtamabilnyja 12 volt u zvyčajnyja biełaruskija 220 volt, pradajucca inviertary. Prostymi słovami — pieraŭtvaralniki napružańnia. U biełaruskich internet-kramach takaja karysnaja drobiaź kaštuje ad 90 tysiač rubloŭ ($30). Čaściej za ŭsio, na instrukcyi napisana papiaredžańnie, što pryłada sama adklučycca, kali aŭtamabilny akumulatar amal razradzicca. Ale ŭ lubym vypadku złoŭžyvać inviertaram nie treba — naprykład, padklučać pralnuju mašynu ci chaładzilnik.

2. Ałkamietr

Prykładna stolki ž kaštuje i prystasavańnie dla tych, chto aścierahajecca sustrečy ź inśpiektaram DAI. Kankretniej — baicca dychnuć u tvar daišniku «vodaram» harełki. Viadoma ž, lepš paśla ŭžyvańnia ałkaholu ŭvohule nie siadać za rul. Ale kab pravieryć u ranicy, što zastałosia ŭ arhaniźmie ad učarašnich pryhod, pryłada dapamoža. Ceny ŭ internet-kramach varjirujucca ad $25 da $50.

3. Videarehistratar

Nastupnaja pryłada taksama dapamoža ŭ znosinach z DAI. Aŭtamabilny videarehistratar ujaŭlaje saboj minijaciurnuju ličbavuju kamieru, jakaja ŭ režymie non-stop viadzie zapis darožnaj situacyi na kartku pamiaci. Pryčepleny na łabavoje škło, jon «bačyć», što adbyvajecca napieradzie. Paśla hetaje videa možna prahladzieć na kampjutary i daviedacca, ci pravamocna pavodzili siabie supracoŭniki DAI i chto nasamreč vinavaty ŭ DTZ. Adzinaja niepryjemnaja reč, što taki zapis nie budzie ŭ vypadku čaho pryniaty ŭ sudzie ŭ jakaści dokazu. Samyja niedarahija madeli kaštujuć $80. U darahich madelach jość i kamiera zadniaha vidu, jakuju viešajuć na zadniaje škło ci bampier.

4. Navihatar

Elektronnaja karta dla tych, chto vypraŭlajecca ŭ dalokaje padarožža ci słaba aryjentujecca ŭ horadzie. Usie darohi, usie pavaroty i ŭsie damy z hałasavymi padkazkami. Kažuć, što dapamahaje nie zasnuć u darozie.

Kali jašče pracuje i siervis «Probki» — dyk uvohule cany navihataru niama. Choć ślepa vieryć navihataru nielha — časam jon moža «paraić» i paviarnuć u adbojnik zboku darohi. Aščadlivyja mohuć prydbać navihatar za $80, ale siaredni košt pryłady składaje $120–140.

5. Radar-detektary

Heta «piščałki», jakija spracoŭvajuć pry nabližeńni da kamiery DAI. Biełaruskim zanadaŭstvam jany nie zabaronienyja, bolš za toje, milicyja navat vitaje ich prymianieńnie. Maŭlaŭ, źnizicie chutkaść — i toje dobra. Nielha vykarystoŭvać tolki antyradary — prystasavńni, jakija ŭmiešvajucca ŭ pracu pryboraŭ DAI. Detektary reahujuć na radyjosihnały i «zalivajucca» hukam. Niedarahija madeli kaštujuć usiaho $40, ale całkam mahčyma, što jany nie pierachitrać najnoŭšyja prybory DAI. Atrymajecca, što detektar spracuje tolki tady, kali inśpiektar užo paśpieje zafiksavać pieravyšeńnie chutkaści. Cana na samyja darahija aparaty dasiahaje $400, ale jany paśpiavajuć zreahavać navat na «stralbu na chadu».

0

0

0

0

0

0

Jaŭhien Vasilkoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH